საბერძნეთი ისევ დახმარებას ითხოვს

საბერძნეთი, რომელიც ეკონომიკურ კრიზისს თავს ვერ აღწევს, დახმარების ახალ პაკეტს ითხოვს.

საბერძნეთის ფინანსთა მინისტრმა იანის სტურნარასმა განაცხადა, რომ შესაძლებელია 10 მილიარდი ევროს მოცულობის მესამე ეკონომიკური პაკეტი დასჭირდეთ, თუმცა ამჯერად დახმარების სანაცვლოდ ეკონომიკური მომჭირნეობის ღონისძიებებს არ დასთანხმდებიან.

მისი თქმით, დღემდე გატარებულმა ”ქამრის მოჭერის” ღონისძიბებმა უკვე ხალხის გამძლეობას გადააჭარბა და გატარებული ზომების გამო საბერძნეთის ეკონომიკამ უკეთესობისაკენ სვლის ნიშნები გამომაჟღავნა.

საბერძნეთის დავალიანება ბოლო ერთ წელიწადში 16 მილიარდი ევროთი გაიზარდა და 321 მილიარდ ევროს მიაღწია. ქვეყანამ დღემდე სსფ-საგან, მსოფლიო ბანკისა და ევროკავშირისაგან 240 მილიარდი დოლარის დახმარების ეკონომიკური პაკეტი მიიღო, თუმცა ეს არასაკმარისი აღმოჩნდა საბერძნეთის ეკონომიკური კრიზისიდან გამოსაყვანად.

ეკონომისტების აზრით, საბერძნეთისათვის გამოსავალი მუდმივი და გრძელვადიანი ფისკალური რეფორმებია.

29.08.13