ევროპარლამენტის კომიტეტის ანგარიშის თანახმად, თითქმის 880 000 ადამიანი შრომობს მონურ პირობებში, მათგან მეოთხედი სქესობრივი ძალადობის მსხვერპლი ხდება, ამის შესახებ ადგილობრივი მედია ავრცელებს ინფორმაციას.
მათივე განცხადებით, ყოველწლიურად ტრეფიკინგის შედეგად დამნაშავეები 25 მილიარდი ევროს ოდენობით შემოსავალს იღებენ. ადამიანის ორგანოებით და ველური ცხოველებით ვაჭრობით მიღებული შემოსავალი შეადგენს 18-დან 26-სი მილიარდ დოლარამდე.
ევროპარლამეტის კომიტეტმა ასევე აღნიშნა, რომ კორუფცია ევროკავშირის ერთ-ერთ მნიშვნელოვან პრობლემად რჩება. მათი განცხადებით, 20 მილიონი კორუფციული მოქმედება დააფიქსირეს, რომლითაც გამოწვეული ზარალი 120 მილიარდ ევროს შეადგენს.
კომიტეტი ევროკავშირის ქვეყნებს მოუწოდებს, მიიღონ მკაცრი ანტიკორუფციული ზომები, რათა პარალელური ეკონომიკის აღმოფხვრა მოხდეს.
პრობლემის გადასაჭრელად, კომიტეტი მოუწოდებს ქვეყნებს გაამკაცრონ სანქციები კორუფციული მოხელეებისა და პოლიტიკოსების მიმართ და ასევე ინფორმატორებისთვის ევროპული დაცვის სისტემის შექმნისკენ (whistleblowers), რომლებიც გამოამჟღავნებენ დანაშაულებრივ ქმედებებს.
ოფიციალურად ანგარიში ევროპარლამენტს წარედგინება 23 ოქტომბერს.
14.10.13
მარინა ფიდუაშვილი
Discussion about this post