საქართველოს პრეზიდენტმა მიხეილ სააკაშვილმა სამეგრელოში 12 ოქტომბერს ჩატარებული სპეცოპერაციისას დაღუპული პოლიციელის, დავით დემურიას ოჯახს მიუსამძიმრა.
მიხეილ სააკაშვილმა გარდაცვლილი პოლიციელი ვახტანგ გორგასლის პირველი ხარისხის ორდენით დააჯილდოვა.
საქართველოს პრეზიდენტის შეფასებით, დავით დემურია საქართველოს ნამდვილი პატრიოტი იყო.
“ვახტანგ გორგასლის პირველი ხარისხის ორდენი მის ვაჟკაცს გადავეცი. დავითის დედამ იკითხა, რატომ იყო ეს ყაჩაღი გარეთ და მე ამაზე პასუხი არ მაქვს. 2005 წელს, როდესაც ჩვენ დავიწყეთ ნულოვანი ტოლერანტობის პოლიტიკა, ის დაჭერილი იყო, მისჯილი ჰქონდა გრძელი ვადა, თუმცა აპრილში გამოვიდა და შემდეგ ჩაიდინა რამდენიმე ყაჩაღობა, მოკლა ადამიანი. ყველა უნდა დავსერიოზულდეთ, ვიღაცის ჯიბრზე რაღაცის კეთება არ შეიძლება”, – განაცხადა პრეზიდენტმა.
მიხეილ სააკაშვილის შეფასებით, 90-იან წლებში სამეგრელოში კატასტროფა ხდებოდა თუმცა, მოგვიანებით წესრიგი და კანონიერება დამყარდა.
“ახლა აქ ისევ არეულობა დაიწყო”, – აღნიშნა პრეზიდენტმა.
15.10.13
Discussion about this post