ზაქეს კვირა- ანუ სურვილის კვირა

ზაქეს კვირა – ანუ სურვილის კვირა, სურვილი უფლის ნახვისა, სურვილი ღმერთთან სიახლოვისა.

ზაქე იყო მეზვერე – გადასახადების მკრეფავი. მეზვერეები ეჯავრებოდათ მთელ ისრაელს, რადგან იმაზე ორჯერ მეტს ახდევინებდნენ რაც ეკუთვნოდათ.

სწორედ ზაქე იყო მეზვერეთა შორის ყველაზე მდიდარი ადამიანი.

და აი, მან ერთხელ გაიგო რომ ქალაქში მოდიოდა იესო. ზაქეს გულმა დაიწყო თრთოლვა, უნდოდა ენახა ქრისტე, მაგრამ იმდენად დაბალი იყო რომ ვერ მოახერხებდაა უამრავ ადამაინს შორის დაენახა სამყაროს შემოქმედი…ამიტომ, გარბის წინ ზაქე და ხეზე აძვრა ბავშვივით, რათა უფალი ეხილა.

მიუახლოვდა უფალი ცოდვილ, ყველასგან მოძულებულ ადამიანს და ეუბნება, სწრაფად ჩამოდი დღეს მინდა შენს სახლში მოვიდეო – ო

საოცარია განგება უფლის, ზაქეს მხოლოდ ის სურდა , რომ დაენახა მაცხოვარი, ვერც კი იფიქრებდა ასეთ რამეს. მიდის უფალი ზაქეს სახლში და ხალხი დრტვინავს, განიკითხავენ უფალს, რატომ მიდის ასეთ ცოდვილ ადამიანთანო..

უფლის ასეთმა ქმედებამ სულით სიღრმემდე შეძრა ზაქე. ტიროდა, თავს ღირსად არ თვლიდა უფლის ასეთი წყალობისა.

და რას აკეთებს ზაქე? იჩოქებს უფლის წინაშე და მთელ თავის ცოდვებს აღიარებს, არა მარტო აღიარებს არამედ პირობას აძლევს რომ თუ ვინმეს რამე წაართვა და ცუდად მოექცაა ოთხმაგად დაუბრუნებს ყველას..

უფალი კი მაშინვე ხალხის გასაგონად ამბობს – დღეს იქმნა ცხორებაჲ სახლისაჲ ამის, რამეთუ ესეცა შვილი აბრაჰამისი არს, რამეთუ მოვიდა ძე კაცისაჲ მოძიებად და ცხორებად წარწყმედულისა…

ამ მაგალითით უფალმა კიდევ ერთხელ დაგვანახა, რომ ის არ უყურებს ადამიანის წარსულს, მისთვის ყველა ერთნაირია, მთავარია დაიანახოს სინანული.

სამწუხაროდ ჩვენ ხშირად განვიკითხავთ ადამიანებს მათი ცხოვრების გამო, ზოგს ცოდვილად მივიჩევთ, ზოგს კიდევ არ ვთვლით ღირსად რომ ჩვენს გვერდით იყოს

მასალა მოამზადა: თორნიკე ყრუაშვილმა.