თითოეულ ადამიანს საკუთარი, სხვისგან განსხვავებული გემოვნება აქვს. განსხვავებულია არა თაობებს შორის გემოვნება, არამედ – პიროვნებებს შორის. რაც ერთისთვის მოსაწონია, ის მეორესთვის სულაც არ არის დროის საუკეთესოდ გაყვანის საშუალება.
საინტერესოა, რა ჟანრის ფილმებს ანიჭებენ უპირატესობას ახალგაზრდები – „თბილისი თაიმსმა“ შესაბამისი შეკითხვა სწორედ მათ დაუსვა.
აღსანიშნავია, რომ გამოკითხულთა ნაწილისთვის ნაკლებად საინტერესოა კომედიური ფილმები. მათი უმრავლესობა მარტო ყოფნისას საერთოდ არ უყურებს კომედიას – მხოლოდ მაშინ, როდესაც მეგობრები ერთად იკრიბებიან. აღნიშნავენ, რომ მსგავს ფილმებს ისეთები ურჩევნიათ, რომელიც საინტერესო ცნობებს შეიცავს.
შეიძლება ითქვას, ფენტეზი მათთვის ყველაზე ნაკლებად საინტერესოა. როგორც უმეტესობა აღნიშნავს, ზოგადად, ამერიკული ფენტეზი კიდევ უფრო ნაკლებად ემოციურია და არ იწვევს ინტერესს.
ისტორიული ფილმები არის ის ჟანრი, რომელსაც ახალგაზრდები ყველაზე დიდი ინტერესით ნახულობენ – ეს იმიტომ, რომ მსგავსი ტიპის ფილმები არის შემეცნებითი და გამორიცხულია, მათი დასრულების შემდეგ დრო დაკარგულად ჩაითვალოს.
რომანტიკული ჟანრის ფილმები მათ შემთხვევაში მიჩნეულია, როგორც დროის სასიამოვნოდ გაყვანის ყველაზე კარგი მეთოდი. მსგავსი ემოციური ფილმები იდეალურია მათთვის, ვისაც მათი ყურება მარტოს უყვართ.
ბიოგრაფიული ფილმები – ამ ჟანრს ჰყავს გულშემატკივარი, რომელთა რიცხვია არცთუ ისე მცირეა. როგორც ახალგაზრდები აღნიშნავენ, ერთ კონკრეტულ პიროვნებაზე გადაღებული ფილმი აუცილებლად ძალიან კარგად მომზადებული უნდა იყოს, რადგან იმედგაცრუება ამ ჟანრის მიმართ გამორჩეულად უსიამოვნოა.
თრილერი ნაკლებად საინტერესოა მდედრობითი სქესის ახალგაზრდებისთვის. ამ ჟანრს მამაკაცები უფრო აქტიურად უყურებენ. თუმცა, ჯამურად, სხვა ჟანრები ბევრად სიანტერესოა ახალგაზრდებისთვის, ვიდრე – თრილერი.
მასალა მოამზადა : მარიამ ტიელიძემ
Discussion about this post