არსებობს თარიღები, რომლებიც ჩვენი დედაქალაქისთვის განსაკუთრებულად საინტერესოა. ბევრი მათგანი დაკავშირებულია განვითარებასთან, წინსვლასთან, ახალგაზრდობასთან… და რაც უფრო მეტი დრო გადის, ამ თარიღთან მიბმული მოვლენა უფროდაუფრო დიდ ინტერესს იწვევს.
ამ მხრივ, მე-19 და მე-20 საუკუნეები კიდევ უფრო მეტად დატვირთულია.ამ პერიოდებში დაარსდა ისეთი შენობები, რომლებიც უკვდავად იქცა.
მაგალითად
თბილისის კლასიკური გიმნაზია 1830 წელს დაარსდა. ორი ათწლეულის მანძილზე ის გახლდათ ვაჟთა ერთადერთი საერო საშუალო სასწავლებელი საქართველოში. მისით დღემდე ამაყობს ჩვენი დედაქალაქი.
1845 წელი არის თარიღი, როდესაც თბილისის ბოტანიკური ბაღი გაიხსნა. ის დღემდე, ყოველდღიურად უზომოდ ბევრ დამთვალიერებელს იღებს, როგორც ქართველს, ისე – უცხოელს. მეტიც, თითოეული არაერთხელ სრუმრობს მას. სეზონის შესაბამისად, მისი იერი მუდმივად იცვლება.
საქართველოს პარლამენტის ეროვნული ბიბლიოთეკა – სივრცე, რომელიც უსაზღვროდ დიდ საგანძურს ინახავს. ის 1846 წლიდან იღებს სათავეს. ის უნიკალურია, ყველასთვის თანაბრად ხელმისაწვდომია და არის „საცავი“, რომელიც ყოველთვის ყველასთვის საიმედოა.
თბილისის ოპერისა და ბალეტის თეატრი 1851 წელს დაარსდა. ის დღემდე განსაკუთრებული შენობაა თბილისში თბილისელებისთვის, რომელიც ყოველთვის მზადაა მასპინძლობისთვის.
1857 წელი არის თარიღი, როდესაც დაიბეჭდა საფოსტო მარკა – „ტფილისის უნიკა“. დღეს ის ერთერთია მსოფლიოში, რომელიც ყველაზე იშვიათ და ძვირადღირებულ საფოსტო მარკას წარმოადგენს.
1918 წელი – სწორედ ამ დღეს დაარსდა დედა უნივერსიტეტი – თბილისის სახელმწიფო უნივერსიტეტი. მას საუკუნოვანი ისტორია აქვს. თსუ-მ აღზარდა თაობები, სხვადასხვა სპეციალობის წარმომადგენლები და ამ უნივერსიტეტის სტუდენტები მუდმივად ამაყობენ, რომ განათლება სწორედ აქ მიიღეს.
თბილისის მეტროპოლიტენი – ის ექსპლუატაციაში 1966 წელს შევიდა. საზოგადოებისთვის დღემდე განსაკუთრებულად მოთხოვნადია.
მასალა მოამზადა : მარიამ ტიელიძემ