საქართველოში პირველად, ახალგაზრდული შესაძლებლობების ონლაინ პლატფორმა – youthplatorm.gov.ge ჩაეშვა. „ახალგაზრდობის პლატფორმა“ ერთი ფანჯრის პრინციპის მქონე შესაძლებლობების ონლაინ სივრცეა, რომელიც აერთიანებს შესაძლებლობების შემქმნელ სამთავრობო, არასამთავრობო და საერთაშორისო ორგანიზაციებსა და ახალგაზრდობას. ეს არის სტრუქტურული დიალოგის ინსტრუმენტი, რომელიც მსუბუქ ხიდს აგებს ორგანიზაციებსა და ახალგაზრდობას შორის და საჭირო შესაძლებლობამდე მიჰყავს.
ამის შესახებ “თბილისი თაიმსს” ინფორმაციასაზოგადოებასთან ურთიერთობის მენეჯერმა, მარიამქებაძემ მიაწოდა.
შესაბამისი ინფორმაციის თანახმად, მსგავსი სერვისის დანერგვა ქვეყანაში პირველი პრეცედენტია და ეს მნიშვნელოვანი ნაბიჯია საქართველოში ახალგაზრდული სფეროს ეკოსისტემის შექმნის პროცესში.
პროექტი მიზნად ისახავს 16-29 წლის ახალგაზრდებს შორის სამეწარმეო და დასაქმებისათვის საჭირო უნარების განვითარებას. ის განსაკუთრებით ფოკუსირდება იმ ახალგაზრდებზე, რომლებიც არ სწავლობენ, არ არიან დასაქმებულები და არც რაიმე ტიპის ტრენინგს გადიან (შემდგომში, NEET ახალგაზრდები).
ახალგაზრდობის სააგენტოს შესახებ:
ახალგაზრდობის სააგენტო არის სამთავრობო უწყება, რომელიც 2019 წელს, ახალგაზრდობის თემატიკაზე მომუშავე, ადრე არსებული, სამი უწყების გაერთიანებით შეიქმნა. სააგენტო არის ახალგაზრდული პოლიტიკის შემქმნელი უწყება (POLICY MAKER), რომელიც სახელმწიფოში მთელსახალგაზრდულ სფეროზეა პასუხისმგებელი, მისი ძირითადი ფუნქციებია:
ახალგაზრდობის სააგენტოს მიზანია საქართველოშიროგორც ადგილობრივ, ისე ეროვნულ დონეზე ისეთი ახალგაზრდული სფეროს ეკოსისტემის შექმნა, სადაც უზრუნველყოფილია ახალგაზრდების, როგორც ინდივიდების და როგორც ქვეყნის მთავარი ადამიანური კაპიტალის სრულფასოვანი განვითარება, საკუთარი პოტენციალის რეალიზება და საზოგადოებრივი ცხოვრების ყველა სფეროში ეფექტიანად ჩართვა.
ამისთვის სააგენტოს გუნდმა, შეიმუშავა უნიკალური, საქართველოზე მორგებული ახალაგზრდული სფეროს ეკოსისტემის მოდელი, ეკოსისტემა შედგება ურთიერთდაკავშირებული და ურთიერთდამოკიდებული რვა მდგენელისა და მათი კომპონენტებისგან. მხოლოდ თითოეულის სრულფასოვანი ფუნქციონირებით არის შესაძლებელი მდგრადი და გრძელვადიანი შედეგების მიღება ახალგაზრდულ სფეროში.
ევროკავშირის DG NEAR-მა საქართველოს ახალგაზრდობის სააგენტოს ეკოსისტემის და სამწლიანი რეფორმის მოდელი აღიარა, როგორც სამაგალითო და გამოითქვა სურვილი აღმოსავლეთ ევროპაში მისი გათვალისწინების.
მასალა მოამზადა : მარიამ ტიელიძემ
Discussion about this post