თურქეთში ოფიციალური ვიზიტით იმყოფებოდა, სადაც თავის კოლეგას, თურქეთის კულტურისა და ტურიზმის მინისტრს, ომერ ჩელიკს შეხვდა.
მინისტრის თქმით, მოლაპარაკება თურქ კოლეგასთან სხვადასხხვა მნიშვნელოვან საკითხებზე ჰქონდა, თუმცა, უმთავრესი იმ ხელშეკრულების საკითხი იყო, რომლის მეშვეობითაც ქართველი სპეციალისტები თურქეთში ქართულ ძეგლებზე მუშაობას ადგილზე შეძლებენ. გურამ ოდიშარია.
” უპირველეს ყოვლისა მინდა გითხრათ, რომ ეს ვიზიტი ძალიან წარმატებული აღმოჩნდა. შეხვედრაზე თავად თურქეთის კულტურისა და ტურიზმის მინისტრმა ომერ ჩელიკმა მიმიწვია რომელსაც ჩემ გარდა ყველა აბრეშუმის გზის ქვეყნების კულტურის მინისტები ესწრებოდნენ. ისინი ძალიან ხშირად ახსენებდნენ საქართველოს, როგორც დიდი სტრატეგიული მნიშვნელობის მქონე ქვეყანას. ეს ძალიან მნიშვნელოვანი საკითხია, თუმცა, მთავარი მოლაპარაკება პირადად მინისტრ ჩელიკთან მქონდა. არ არსებობს პრობლემა, რომლის გადაწყვეტაც მოლაპარაკების მაგიდასთან არ შეიძლება – ეს იყო ჩვენი ერთობლივი გზავნილი. მინისტრმა პირობა მომცა, რომ ყველაფერს გააკეთებს იმისთვის, რომ ქართული ძეგლების მოვლა-პატრონობა უფრო მაღალ დონეზე იქნეს გადაწყვეტილი. ამის ნათელი მაგალითია, როდესაც ჩვენს სპეციალისტებს საშუალება აქვთ, ქართულ ძეგლებს აქტიურად დააკვირდნენ. მთავარი მსჯელობის საგანი კი ხელშეკულების საკითხი გახლდათ, რომლის საფუძველზეც ქართველი სპეციალისტები სამომავლოდ ადგილზე დარჩებიან და სხვა ძეგლებზე მუშაობის ჩატარებაში თურქ კოლეგებთან ერთად ჩაერთვებიან. ამასთან მინისტრი არ გამორიცხავს, რომ შესაძლოა, თურქ და ქართველ სპეციალისტთა შეთანხმებით რაბათზე გარკვეული ცვლილებებიც მოხდეს. კერძოდ კი შეიცვალოს გუმბათის ფერი და ცხადურები, რაზეც თურქებს თავის დროზე შენიშვენები ჰქონდათ. ამ ეტაპზე აზიზიეს მეჩეთზე საუბარი არ ყოფილა. ჩვენ მხოლოდ რაბათის ციხე-სიმაგრუს შესახებ ვისაუბრეთ,” აცხადებს მინისტრი ოდიშარია.
04.11.13
Discussion about this post