“ელის” – ბიზნესი, რომელიც გარემოზე ზრუნავს

ცხადია, ნივთმა რომ მომხმარებლის ყურადღება დაიმსახუროს, უნდა იყოს ხარისხიანი, ორიგინალური, ბევრისგან განსხვავებული. სწორედ ასეთია ბიზნესი, რომელსაც “ელის“-ი ჰქვია. ნამუშევრებში აშკარად იგრძნობა, რომ მათ შემქმნელს კარგი გემოვნება აქვს და საკუთარი საქმე უყვარს.

საინტერესოა, რა გზა გამოიარა ბიზნესმა დაარსებიდან დღემდე, როგორი გავლენა მოახდინა კოვიდპანდემიამ და რამდენად ხშირად სთავაზობს ის მომხმარებლებს სიახლეებს – “თბილისი თაიმსს” “ელის”-ის დამფუძნებელი, ელენე სტეფნიაშვილი ესაუბრა.

დეტალურად რომ გვითხრათ, რას ამზადებთ?

ჩვენი კომპანია კაკლის ხის გულისგან და ებოქსიდის სინთეზით კლიენტს ანებივრებს სხვადასხვა ნივთით. ეპოქსიდისგან ნივთების დამზადება არის რთული პროცედურა, რომელიც შევისწავლე სოციალური ქსელების დახმარებით. 6-7 წელიწადია, რაც აქტიურად ვამზადებ სახლისათვის სხვადასხვა დეკორაციას და ხელნაკეთ აქსესუარებს, რომლებიც დიდი მოწონებით სარგებლობს.

დღესდღეობით უკვე კარგად ვფლობ ამ პროცესს. ქალთა გაძლიერების პროექტშიც მივიღე მონაწილეობა და საჭირო დანადგარებიც მოვიპოვე, რამაც დრო შემიმცირა. დაახლოებით, ოთხ საათს ვანდომებდი ერთი ბეჭდის დამზადებას.

ჩემი პროდუქტი უნიკალურია, რადგან ყოველი ბეჭედი განსხვავებულია ერთმანეთისგან, არ არსებობს ორი ერთნაირი, ეს ექსკლუზიურობა მას გამოარჩევს. ასევე, იგი მზადდება უმაღლესი ხარისხის კაკლის გულისგან, ხის ეს ფაქტურა მნახველს დანახვისთანავე იზიდავს და მის ყურადღებას მარტივად იპყრობს.

რა წარმოადგენს თქვენი საქმიანობის მთავარ პრინციპს?

ჩემი საქმინაობის მთავარი პრინციპები ეფუძნება:

ბუნების მოვლას – ამიტომაც არ ვიყენებ პირველად პროდუქციას, ჩემ მიერ დამზადებული თითქმის ყველა ნივთი არის უკვე გადამუშავებული ხის პროდუქცია, შესაბამისად, ამით ხელს ვუწყობ ნარჩენების რაოდენობის შემცირებას.

ცხოველებისადმი სიყვარულს – შესაბამისად, არასდროს არ ვიყენებ ნატურალურ ტყავს იმ დეტალების გასაკეთებლად კი, რაც აუცილებელია, ვიყენებ სინთეზურ მასალას. ამით მინდა, ხალხს მაგალითი მივცე, რომ დღეს ცხოველის მოკვლა და მისგან ნატ.ტყავის დამზადება აუცილებლეობა აღარ არის. შეგვიძლია, მისი სხვა, ბევრნაირი შემცვლელი გამოვიყენოთ.

ხელმისაწვდომი პროდუქციის შექმნას – ჩემი არცერთი პროდუქტი არ ღირს იმდენი, რომ საშუალო ფენის წარმომდგენელმა იგი ვერ შეიძინოს, ჩემი მიზანია, რომ პროდუქციის ყიდვა მსურველს თავისუფლად შეეძლოს.

კოვიდპანდემიამ როგორ იმოქმედა თქვენს ბიზნესზე?

შარშანდელ წელზე რომ ვისაუბროთ – ორი წელია, რაც საახალწლო ნივთებს ვამზადებ. შარშან ძალიან რთული იყო, რომ ნაძვის ხის სათამაშოები ბაზარზე გასულიყო. გამოსავალი ვიპოვე და მოვიფიქრე ძალიან მარტივი რამ – ვინაიდან დრო ძალიან მნიშვნელოვანია, ბევრი ზარმაცი ადამიანიც არსებობს და აზრად მომივიდა შემდეგი – ძალიან მარტივად, დავამზადე ნაძვის ხეები, რომლის აწყობასაც ხუთი წუთი ენდომება და ეს ჩემი სათამაშოებიც დაემატება. შესაბამისად, კოვიდპანდემიამ ჩემს ბიზნესზე უარყოფითი გავლენა ვერ მოახდინა. მქონდა მიტანის სერვისი. იმ დროს ჩაკეტილი იყო ყველაფერი, ონლაინ იყიდებოდა ბევრი რამ. ამას მეც ძალიან კარგად მოვერგე. ამასთან, მქონდა მიწოდების უფასო სერვისი.

პროდუქციის დამატებას თუ გეგმავთ?

ჩემი განვითარების ტენდენცია ისე მიდის, რომ ყოველ წელს რაღაც პროდუქციას ვამატებ. გადავედი ავეჯის ხაზზე. ვამზადებ მაგიდებსაც, ეზოს ავეჯს და ა.შ.

ამ ეტაპზე, ყველაზე ახალი დეკორიაცია, რაც შევქმენი – არის კედლის ნაძვის ხეები და კეთილი გნომები. ინსპირაცია იყო ოჯახები, რომლებსაც არ აქვთ დრო ნაძვის ხის ასაწყობად და დედები, რომლებიც, ცელქი ბავშვების გამო, ვერ დგამენ ნაძვის ხეს, ასევე ცხოველების მოყვარული ოჯახები, რომლებსაც უწევთ, ყველაფერი სიმაღლეზე მოათავსონ.

მასალა მოამზადა : მარიამ ტიელიძემ