შოკოლადის ხინკლუკები – პროდუქტი ქართულ ბაზარზე

სწორედ იმის გამო, რომ ჩვენ განსხვავებულისა და საინტერესოსკენ მივისწრაფვით, ისინი, ვისაც ამის რესურსი აქვთ, ზრუნავენ, რომ შემოგვთავაზონ გამორჩეული პროდუქტი. ხინკლუკები – ასე ჰქვია შოკოლადის პატარა ხინკლებს, რაც ყურადღებას დანახვისთანავე იქცევს. ისინი თეთრი შოკოლადისგან მზადდება, სხვადასხვა ხილის გემოთი.
პროდუქტის შესახებ „თბილისი თაიმსს“ იდეის ავტორი, მიხეილ ყიფიანი ესაუბრა.
„გვინდოდა ქართული თემატიკის შოკოლადის ნაწარმის შექმნა და ყველაზე აქტუალური და შეუსაბამო პროდუქტები ავარჩიეთ. განსხვავებული პროდუქტიდან გამომდინარე, დიდ დაინტერესებას იწვევს ყველა ასაკის ადამიანში. სამომავლოდ, ჩვენ ქართული თემატიკის პროდუქტების დამატებას ვგეგმავთ“, – ამბობს მიხეილ ყიფიანი.

მასალა მოამზადა : მარიამ ტიელიძემ