აშშ-ის სახელმწიფო ვალმა $30,000,000,000,000-ს გადააჭარბა 

აშშ-ის ხაზინის ინფორმაციით, 2022 წლის 31 იანვრის მდგომარეობით, ქვეყნის სახელმწიფო ვალმა ისტორიაში პირველად $30 ტრილიონ დოლარს გადააჭარბა. 

2019 წლის შემდგომ აშშ-ის სახელმწიფო ვალი $7 ტრილიონით გაიზარდა რაც 2020-2021 წლებში სახელმწიფოს მიერ გაზრდილ ხარჯვას და ფისკალურ სტიმულს უკავშირდებოდა. 

აშშ-ის კონგრესი მზარდი ვალის ფონზე, რეგულარულად ზრდის ვალის ნებადართულ ლიმიტს. 2021 წლის ოქტომბრამდე ლიმიტი $28,401,462,788,891 იყო, შემდეგ ის $28,881,462,788,891-მდე გაიზარდა, 16 დეკემბერს კი კონგრესმა ვალის ლიმიტი $31,381,462,788,891-მდე გაზარდა. მიმდინარე ფისკალურ წელს სახელმწიფო ვალი კიდევ $1 ტრილიონზე მეტად გაიზრდება. 

კონგრესის საბიუჯეტო ოფისის თანახმად, აშშ-ის სახელმწიფო ვალმა 2021 წლის ბოლოსთვის მშპ-ს 100%-ს გადააჭარბა, ხოლო 2022 წლის ბოლოსთვის ის 107% იქნება.