„სამშობლო ადამიანის სიცოცხლის განუყოფელი ნაწილია“ – მამათა გამონათქვამები პატრიოტიზმზე

პატრიოტიზმი არის გრძნობა, რომელიც ყველა ღირსეულად მოაზროვნე მოქალაქისა და ადამიანის გულსა და გონებაში მუდმივად უნდა არსებობდეს და არ უნდა იკარგებოდეს. სწორედ პატრიოტულმა სულისკვეთებამ გადაარჩინა არაერთხელ საქართველო და მოიყვანა დღევანდელობამდე.
ქვემოთ გთავაზობთ, ცნობილ მამათა გამონათქვამებს პატრიოტიზმზე:
„სამი ღვთაებრივი საუნჯე დაგვრჩა ჩვენ მამა- პაპათაგან: მამული, ენა და სარწმუნოება. თუ ამათაც არ ვუპატრონეთ, რა კაცები ვიქნებით, რა პასუხს გავცემთ შთამომავლობას? „ – წმინდა ილია მართალი (ჭავჭავაძე)
„სამშობლოსა და მისი სიწმინდეების დამცველი პირნათლად ასრულებს ქრისტეს მცნებას: „უფროსი ამისსა სიყუარული არავის აქუს, რაითა სული თვისი დადვას მეგობართა თვისთათვის“ (იოანე 15,13) – მიტროპოლიტი ფილარეტი
„სამშობლო ადამიანის სიცოცხლის განუყოფელი ნაწილია. უსამშობლო ადამიანი სულით ღატაკია და საცოდავი… სამშობლოს სიყვარულით მწიფდება და ყალიბდება ადამიანის სულიერი სამყარო, მისი მისწრაფებანი და ფილოსოფიური შეხედულებანი…“ – ილია მეორე
„გახდოვდეთ, ღვთის სასუფეველში შემავალი კარიბჭე ჩვენი მიწიერი, ამქვეყნიური სამშობლო და ეკლესიაა, ამიტომ მხურვალედ გიყვარდეთ და სიცოცხლეს ნუ დაიშურებთ მისთვის“ – წმინდა იოანე კრონშტადტელი

მასალა მოამზადა: თორნიკე ყრუაშვილმა
წყარო: www.orthodoxy.ge