საქართველოს ფინანსთა სამინისტროს საგამოძიებო სამსახურის თანამშრომლებმა, ქრთამის მოთხოვნისა და აღების ფაქტზე, აფხაზეთის ავტონომიური რესპუბლიკის მთავრობის, აღმოსავლეთ საქართველოს წარმომადგენლობის, სოციალური პროგრამების მართვის სამსახურის უფროსის მოადგილე, დავით მაისურაძე დააკავეს.
გამოძიებით დადგინდა, რომ დაკავებულმა, სამსახურებრივი მოვალეობის შესრულებისას, ერთ – ერთი მოქალაქისაგან, აფხაზეთიდან იძულებით გადაადგილების დამადასტურებელი ყალბი ცნობის გაცემის სანაცვლოდ, ქრთამის სახით 3 000 აშშ დოლარი აიღო.
მიმდინარეობს გამოძიება საქართველოს სისხლის სამართლის კოდექსის 338-ე მუხლის პირველი ნაწილით, რაც ითვალისწინებს თავისუფლების აღკვეთას 6 დან 9 წლამდე ვადით.
15.11.13
Discussion about this post