„მადლობა საქართველოში ჩვენს პარტნიორებს, რომლებიც ომის პირველივე დღიდან მხარს უჭერენ ჩვენს ერს, მადლობა მხარდაჭერისთვის თქვენს მთავრობას, რომ ასე ძმურად ექცევით უკრაინელ ერსა და მარიუპოლელებს“, – განაცხადა მარიუპოლის მერმა, ვადიმ ბოიჩენკომ პირველ არხთან ექსკლუზიურ ინტერვიუში.
ბოიჩენკომ საქართველოში მყოფ მარიუპოლელებზეც ისაუბრა და ყურადღება გაამახვილა იმაზე, თუ როგორ აპირებს უკრაინის მთავრობა თანამემამულეების დახმარებას. მისი თქმით, საქართველოშიც შეიძლება გაიხსნას ისეთი ცენტრები, როგორებიც უკრაინაში ფუნქციონირებს.
„ქვეყნის მასშტაბით გაიხსნა პუნქტები, სადაც ხდება მარიუპოლელების დახმარება. შევქმენით ისეთი ცენტრები, სადაც მარიუპოლელებიეხმარებიან მარიუპოლელებს. ეხმარებიან სამედიცინო, ჰუმანიტარული, ფსიქოლოგიური კუთხით. იქ მუშაობენ ფსიქოლოგები. ეს ისეთი ცენტრებია, რომლებიც არა მხოლოდ ეხმარებიან ამ ადამიანებს, არამედ აჩენენ იმედს, რომ ჩვენ დავბრუნდებით სახლში. ჩვენ შეგვიძლია გადავხედოთ ასეთ შესაძლებლობას, რომ ასეთი ცენტრი გავხსნათ საქართველოში, რათა მარიუპოლელებმა მხარდაჭერა იგრძნონ საქართველოშიც. მადლობა საქართველოში ჩვენს პარტნიორებს, რომლებიც ომის პირველივე დღიდან მხარს უჭერენ ჩვენს ერს. მადლობა მხარდაჭერისთვის თქვენს მთავრობას, რომ ასე ძმურად ექცევით უკრაინელ ერსა და მარიუპოლელებს“, – განაცხადა მარიუპოლის მერმა, ვადიმ ბოიჩენკომ.
Discussion about this post