მაიმუნის ყვავილის ვირუსის 2-3 საათში სადიაგნოსტიკოდ მალე სპეციალური „პისიარ ტესტი“ გვექნება – გამყრელიძე

ხელმძღვანელმა ამირან გამყრელიძემ უპასუხა კითხვას, რამდენ ხანში შეიძლება გაიგოს ადამიანმა, რომ მაიმუნის ყვავილით დაავადდა. „მალე, გვექნება სპეციალური „პისიარ ტესტი“ მაიმუნის ყვავილის ვირუსის 2-3 საათში სადიაგნოსტიკოდ“, – აღნიშნა გამყრელიძემ.

როგორც გამყრელიძემ პირველი არხის ეთერში განაცხადა, საეჭვო სიმპტომების შემთხვევაში, აუცილებელია, რომ ადამიანი 21 დღის განმავლობაში იზოლაციაში იყოს.

ამასთან, ამირან გამყრელიძემ დაამატა, რომ მაიმუნის ყვავილის გავრცელების კუთხით საქართველო დაბალი რისკის ქვეყნად ითვლება, თუმცა ეპიდზედამხედველობის გაძლიერება მაინც მნიშვნელოვანია.