აშშ-ის სახელმწიფო მდივანმა, ენტონი ბლინკენმა განაცხადა, რომ აშშ გააგრძელებს უკრაინის მხარდაჭერას რუსეთის აგრესიისთვის წინააღმდეგობის გაწევაში და აღნიშნა, რომ რუსეთმა უკვე წააგო მის მიერ გაჩაღებულ ომში.
„უკრაინელები წარმოუდგენელი გამბედაობით იცავენ თავს და რუსეთმა კი უკვე წააგო. პუტინის მიზანი, როგორც თავად თქვა, იყო უკრაინის, როგორც დამოუკიდებელი და სუვერენული ქვეყნის განადგურება. ეს მიზანი ჩავარდა. სუვერენული და დამოუკიდებელი უკრაინა უფრო დიდხანს იარსებებს, ვიდრე პუტინი იცოცხლებს“, – აღნიშნა აშშ-ის სახელმწიფო მდივანმა.
ენტონი ბლინკენის თქმით, რუსეთი, მიუხედავად იმისა, რომ დონბასში გარკვეულ წარმატებას მიაღწია, შორს არის გადამწყვეტი გამარჯვებისგან, ხოლო მიღწევები, რაც მან უკვე მოიპოვა, მას ძვირი დაუჯდა.
Discussion about this post