პალესტინა-ისრაელის სამშვიდობო მოლაპარაკებები შეჩერდა

პალესტინა-ისრაელის სამშვიდობო მოლაპარაკებებში პალესტინის წარმომადგენელმა საიბ ურეიკატმა განაცხადა, რომ ისრაელთან პირდაპირი მოლაპარაკებები შეჩერდა.

ურეიკატმა წერილობით განცხადებაში აღნიშნა, რომ ივლისის ბოლოდან დღემდე წარმოებული სამშვიდობო მცდელობების მიუხედავად, ისრაელის პოზიციამ მოლაპარაკებები შეაფერხა.

მისივე თქმით, მოლაპარაკებების მიმდინარეობის პერიოდში ისრაელის მხრიდან 33 პალესტინელი იქნა მოკლული, 5 ათასზე მეტი დასახლების მშენებლობისათვის ტენდერი გამოცხადდა, ასობით პალესტინელის სახლი იქნა დანგრეული, ზეწოლის მიზნით იორდანეს დასაველეთ სანაპიროზე რამოდენიმე გზა იქნა გადაკეტილი და უკვე მოლაპარაკებებზე კონტაქტის დამყრება შეუძლებელია”.

ურეიკატი ამბობს, რომ ჯონ კერის განცხადების საპირისპიროდ, მოლაპარაკებები ერთ თვეზე მეტია შეწყვეტილია და მან გადადგომის თაობაზე განცხადება პალესტინის სახელმწიფოს მეთაურს მაჰმუდ აბბას ნოემბერში წარუდგინა, იმედი აქვს, რომ მისი განცხადება დაკმაყოფილებული იქნება, ხოლო განცხადების წარდგენიდან დღემდე ისრაელთან რაიმე სახის მოლაპარაკება არ გაუმართავს.

მან ასევე დასძინა, რომ პალესტინის სახელმწიფოს მეთაურმა მაჰმუდ აბასმა აშშ-ის პრეზიდენტს ბარაკ ობამას ისრაელ – პალესტინის სამშვიდობო მოლაპარაკებაში არსებულ ვითარებასთან დაკავშირებით წერილი გაუგზავნა.

30.12.13