სპორტისა და ახალგაზრდობის საქმეთა მინისტრმა ლევან ყიფიანმა “საქართველოს მთავრობა ღია მმართველობისთვის ფარგლებში” სამინისტროს მუშაობის წლიურ ანგარიშს წარადგინა.
პრესკონფერენციას საქართველოში მოქმედი არასამთავრობო ორგანიზაციები, სპორტული ფედერაციები და სხვადასხვა სამთავრობო უწყებების წარმომადგენლები ესწრებოდნენ.
მინისტრმა დამსწრე საზოგადოებას წარუდგინა 2013 წლის განმავლობაში სპორტისა და ახალგაზრდობის სფეროში ჩატარებული ღონისძიებების მოკლე მიმოხილვა, ისაუბრა იმ ცვლილებებსა და სიახლეებზე, რაც ამ წლის განმავლობაში დაინერგა და განხორციელდა ორივე მიმართულებით.
ანგარიშის მიხედვით, გასულ წელს სპორტის 45 სახეობაში დაფინანსდა დაახლოებით 180 სასწავლო–საწვრთნელი შეკრება, 90 ადგილობრივი და 140 საერთაშორისო სპორტული შეჯიბრი, სადაც საქართველოს სახელით მოასპარეზე სპორტსმენებმა მოიპოვეს 412 მედალი, აქედან 127 ოქრო, 113 ვერცხლი და 172 ბრინჯაო.
განსაკუთრებით აღინიშნა ქართველი ძიუდოისტების ასპარეზობა სხვდასხვა ასაკობრივ ჩემპიონატებში. რიო დე ჟანეიროში გამართულ მსოფლიო ჩემპიონატზე კი ირაკლი უზნაძის ნაკრებმა ფინალში რუსეთის დამარცხებით, მსოფლიოს უძლიერესი გუნდის ტიტული მოიპოვა.
ლევან ყიფიანმა წლიური ანგარშის წარდგენისას აღნიშნა ასევე ის საერთასორისო სპორტული ღონისძიებები, რომლის მასპინძლობის უფლებაც საქართველომ 2013 წელს მოიპოვა. ესენია: 2014 წელს გასამართი, ქალ მოჭადრაკეთა გრან პრი, ძიუდოს გრან პრი, 23-წლამდელთა ევროპის ჩემპინატი ფარიკაობაში, ევროპის ჩემპიონატი მძლეოსნობაში, 2015 წელს ჩასატარებელი 16-წლამდელთა საჭადრაკო ოლიმპიადა, ევროპის ჩემპიონატი ძალოსნობაში და უეფას სუპერთასის ფინალური შეხვედრა. 2016 წელს საქართველო კარატეში ევროპის ჩემპიონატს უმასპინძლებს, ხოლო 2017 წელს ჩვენი ქვეყნის ოთხ ქალაქში 19-წლამდე ხელბურთელთა მსოფლიო ჩემპიონატი გაიმართება.
31.12.13
Discussion about this post