შობის დღესასწაულთან დაკავშირებით ყოვლადწმინდა სამების საკათედრო ტაძარში ლოცვა დღეს 19:00 საათზე დაიწყება, – ამის შესახებ სრულიად საქართველოს კათოლიკოს-პატრიარქმა ,უწმინდესმა და უნეტარესმა ილია მეორემ გუშინ, საკვირაო ქადაგებისას ბრძანა.
უწმინდესის თქმით, 23:00 საათზე იქნება დღესასწაულის შეხვედრა და წაიკითხება საშობაო ეპისტოლე, ხოლო 00:00 საათზე საზეიმო წირვა დაიწყება.
“ყველას გილოცავთ შობა-ახალ წელს. უფალმა ინებოს, ეს წელი და მომავალი წლები მშვიდობიანი იყოს საქართველოსა და მთელი მსოფლიოსთვის”, – ბრძანა უწმინდესმა.
06.01.14