„მე არ ვეწინააღმდეგები ერთსქესიანთა ქორწინებებს, რადგან მაგრად ფეხებზე მკიდიან, მაგრამ ვეწინააღმდეგები მათთვის ბავშვების მიშვილებას”, – აცხადებს შვეიცარიაში გამომავალი ფრანგულენოვანი გაზეთისთვის მიცემულ ინტერვიუში ფრანგული კინოს ლეგენდარული ვარსკვლავი ალენ დელონი.
მსახიობმა გაზეთთან საფრანგეთის „ეროვნული ფრონტისა“ და ერთსქესიანთა ქორწინების შესახებ ისაუბრა.
„მე არ ვეწინააღმდეგები ერთსქესიანთა ქორწინებებს, რადგან მაგრად ფეხებზე მკიდიან, მაგრამ ვეწინააღმდეგები მათთვის ბავშვების მიშვილებას. მეტყვიან, რომ ადაპტირება უნდა მოვახდინო და დროს ავუწყო ფეხი… რას ვიზამთ, ძალიან ცუდი აზრის ვარ ჩვენს ეპოქაზე, რომელიც ყველაფერ არაბუნებრივს ნორმად აქცევს. ვრისკავ სულელ ბებრუხანად გამოვჩნდე, მაგრამ მაინც ვამბობ: ყოველივე ეს შოკში მაგდებს!,“ – განაცხადა დელონმა.
„საფრანგეთის ეროვნული ფრონტი ძალიან მნიშვნელოვან როლს თამაშობს. მე ის მომწონს და მისი ძალიან კარგად მესმის… ხალხს ყელში ამოუვიდა, როცა საქმის ნაცვლად ლაყაფს სთავაზობენ. მათ სურთ მოქმედება, მათ რაღაც სხვა სურთ… მამა და ქალიშვილი ლე-პენები მრავალი წლის განმავლობაში იბრძვიან, იბრძვიან მარტო. პირველად, ისინი მარტონი აღარ არიან. მათთან ერთად ფრანგები დგანან. ეს მნიშვნელოვანია!“
„მე დე-გოლის მიმდევარი ვარ უკვე 40 წელიწადია, მაგრამ დროს ფეხი უნდა ავუწყოთ. შეუძლებელია დე-გოლისტი იყო ოლანდისტურ სამყაროში“, – აღნიშნა დელონმა.
14.01.14
Discussion about this post