“ლესელიძე-2014”-ის შაურმა მიკრობიოლოგიურად დაბინძურებული აღმოჩნდა

შაურმა, რომელმაც რამდენიმე დღის წინ 10 ადამიანის ინტოქსიკაცია გამოიწვია, მიკრობიოლოგიურად დაბინძურებული აღმოჩნდა. ამის შესახებ “თბილისი თაიმსს” სურსათის ეროვნული სააგენტოდან აცნობეს. მათივე ინფორმაციით, ლაბორატორიულმა კვლევამ დაადასტურა, რომ ქათმის შაურმაში მრავლად იყო მეზოფილურ-აერობული და ფაკულტატურ-ანაერობული მიკროორგანიზმები, კოლიფორმები, ეკოლი, სტაფილოკოკები, პროტეუსი, ობის სოკო. სურსათის ეროვნულმა სააგენტომ არაგეგმური ინსპექტირებისას შპს “ლესელიძე – 2014”-ში კრიტიკული შეუსაბამობები გამოავლინა, რის გამოც საშაურმეს საწარმოო პროცესი შეუჩერა და 1000 ლარით დააჯარიმა. 14.01.14