უმრავლესობის ფრაქციების თავმჯდომარეებმა სევდია უგრეხელიძეს მიმართეს

დღეს გამართულ ბრიფინგზე თბილისის საკრებულოს უმრავლესობაში შემავალი ფრაქციების თავმჯდომარეებმა  ქალაქ თბილისის მერის მოვალეობის შემსრულებელს მიმართეს:

,,ჩვენ ქალაქ თბილისის საკრებულოს უმრავლესობაში შემავალი ფრაქციები ვაცხადებთ, რომ ნებისმიერ სიტუაციაში დიალოგზე და კანონით გათვალისწინებულ უფლებების გამოყენებაზე უარის თქმას ყოველთვის ჩიხში შეჰყავს გადაწყვეტილებები, რომლებიც ჩვენი მოსახლეობის უდიდეს ნაწილზე ახდენს ზეგავლენას.
მივმართავთ ქალაქ თბილისის მერის მოვალეობის შემსრულებელს ქალბატონ სევდია უგრეხელიძეს, დღესვე, 17:00 საათზე მობრძანდეს საკრებულოში საფინანსო საქალაქო სამსახურის ხელმძღვანელთან ერთად, საკრებულოს ფრაქციების თავმჯდომარეებთან შეხვედრაზე,  დედაქალაქის ბიუჯეტთან დაკავშირებულ თემებზე სამსჯელოდ.
ასევე, მიმდინარე პროცესებში საზოგადოების მონაწილეობისა და გამჭვირვალობის  უზრუნველსაყოფად პოზიციების შესაჯერებლად’’,–ნათქვამია განცხადებაში.

27.01.14