რა მდგომარეობაა აბიტურიენტების მოსამზადებელ ცენტრებში

,,თბილისი თაიმსმა’’ გაარკვია, რომ მიმდინაწერე წელს აბიტურიენტებისთვის ყველაზე მოთხოვნადი საგნებია: ზოგადი უნარები, ინგლისური და ქართული ენები.

აბიტურიენტთა და მოსწავლეთა მოსამზადებელი ცენტრების განცხადებით, ასაკობრივი მინიმალური ზღვარი არ არის დადგენილი და ფაქტიურად ნებისმიერი ასაკის მოსწავლეს შეუძლია სასურველ საგნებში მოემზადოს.

მოსამზადებელი ცენტრები აცხადებენ, რომ აბიტურიენტებს თითქმის ყველა საგანში სთავაზობენ საატესტატო და სააბიტურიენტო მოსამზადებელ კურსებს.

ცენტრებში – ,,G – ABC’’– ში  და ,,მომავალიში“  აცხადებენ, რომ აბიტურიენტთა მიღება იწყება სექტემბერში და დღემდე მიმდინარეობს. ამოწმებენ აბიტურიენტის ცოდნას და ამის მიხედვით საზღვრავენ მოსამზადებელი კურსის ხანგძლივობას.

,,განათლების სახლში’’ კი აღნისნავენ, რომ  აბიტურიენტთა მიღება სექტემბერში ხორციელდება და გამოცდებამდე მეცადინეობა მიმდინარეობს. ,,VETO’’-ში მოსწავლეთა მიღება ასევე სექტებმერში იწყება, თუმცა კურსის ხანგრძლივობა  – 6 თვეს ან 1 წელს შეადგენს.

ყველა რესპოდენტი აცხადებს, რომ ოფიციალური სტატისტიკა არ მოეპოვებათ, თუ მათი რამდენი აბიტურიენტი მოეწყო უმაღლეს სასწავლებელში.

,,VETO’’-ში აცხდებენ, რომ, პედაგოგები საკონკურსო წესით ინიშნებიან.

„ტესტირება, შემდგომ გასაუბრება და ღია გაკვეთილი. იმ შემთხვევაში, თუ პედაგოგს გადამზადება ესაჭიროება, მოსამზადებელი ცენტრში შესაძლებელია ამის განხორციელება“, განმარტავენ ცენტრში.

მოსამზადებელ  ცენტრ ,,მომავალის“  განცხადებით, კი პედაგოგთა დანიშვნის დროს, დიდ ყურადღებას აქცევენ სამუშაო გამოცდილებას. მათივე თქმით, სკოლებში გამოცდილი პედაგოგები და ყოფილი ლექტორები ატარებენ  ლექციებს.

„პედაგოგთა გადამზადების კურსები ცენტრში არ არის გათვალისწინებული“, აღნიშნავენ ცენტრში.

,,G-ABC’’ – ის და ,,განათლების სახლსის’’ განმარტებით, ყველა პედაგოგს მასწავლებელთა სასერთიფიკაციო გამოცდები აქვს ჩაბარებული და მუშაობის დიდი სტაჟი აქვთ.

ჯგუფში მოსწავლეთა რაოდენობასთან დაკავშირებით, ,,მომავალი’’  აცხადებს, რომ საატესტატო მოსამზადებელ ჯგუფში მაქსიმუმ  – 5 ადამიანია, ხოლო სააბიტურიენტო ჯგუფში 4 ბავშვზე მეტი არ არის. მათივე თქმით, გამონაკლისები არ დაიშვება და დადგენილ რაოდენობაზე მეტი მოსწავლე ვერ ჩაეწერება, თუმცა გარკვეული მიზეზების გამო ჯგუფში ერთი ბავშვიც რომ დარჩეს, მასთან აგრძელებენ მეცადინეობას და ჯგუფი არ იშლება.

,,VETO’’-ში  აბიტურიენტთა  ჯგუფი 5 მოსწავლისგან შედგება და ამ რაოდენობაზე მეტი არ გაითვალისწინება.

,,განათლების სახლი’’   – „ჯგუფი 3 ადამიანისგან შედგება, გამონაკლისები, რასაკვირველია დაიშვება, მაგრამ ბავშვათა რაოდენობა 4 ადამიანს არ გადააჭარბებს.“

რაც შეეხება ,,G-ABC’’ – ის  მათი განცხადებით, მკაცრად განსაზღვრული არ არის მოსწავლეთა რაოდენობა. ისეთი შემთხვევებიც ყოფილა, როდესაც 7 ადამიანი განათლების მხრივ ერთ დონეზე ყოფილა და ერთი ჯგუფი შემდგარა. იმ შემთხვევაში, თუ მოსწავლეთა რაოდენობა ჯგუფში შემცირდა, მოსწავლეებს პრობლებემი არ შეექმნებათ  და დანარჩენები ჩვეულებრივ აგრძელებენ მეცადინეობას.

12.02.14

მარინა ფიდუაშვილი