ოკუპანტი ქვეყნის პირველი პირი ვლადიმერ პუტინი მშვიდობის დარგში ნობელის პრემიაზე წარადგინეს. ინიციატივა მსახიობ იოსებ კობზონს და “განათლების ფონდს” ეკუთვნის.
უკრაინაში განვითარებული ბოლო მოვლენების და სამხედრო ინტერვენციის შემდეგ, ინიციატორებმა კიდევ ერთხელ მიმართეს ნორვეგიის ნობელის ინსტიტუტს.
რატომ გადაწყვიტა კობზონმა, რომ პუტინი მსოფლიოში წლის პირველი მშვიდობისმყოფელია, ამას არ აკონკრეტებს სააგენტო “როიტერი”, რომელიც ინფორმაციის წყაროა. ასევე, არ არის მითითებული, იყო თუ არა ამ იდეის ავტორების მოტივატორი უკრაინის ხელისუფლება და ქვეყანაში განვითარებული მოვლენები.
პრემიაზე რეკორდული რაოდენობის – 278 კანდიდატია წარდგენილი, მათ შორის – 47 ორგანიზაციაა. დასახელებულნი არიან ედვარდ სნოუდენი, პაკისტანელი აქტივისტი და უფლებადამცველი 16 წლის მალალა იუსუფზაი და რომის პაპი ფრანცისკე.
პუტინი ნობელზე სექტემბერში ერთხელ უკვე წარადგინეს, მაშინაც “განათლების ფონდმა”. ფონდის ექსპერტები პუტინის დამსახურებად ჩეჩნეთში ომის შეწყვეტას ასახელებდნენ.
05.03.14
Discussion about this post