“ლიტვა დაეხმარება საქართველოს ევრო-ატლანტიკური ინტეგრაციის მიმარულებით დასახული მიზნების მიღწევაში,” – ამის შესახებ ლიტვის ეროვნული თავდაცვის მინისტრმა იოზას ოლეკამ საქართველოს საგანგებო და სრულუფლებიან ელჩთან, ხათუნა სალუქვაძესთან შეხვედრისას განაცხადა.
შეხვედრა სამუშაო ხასიათს ატარებდა და მასზე მხარეებმა თავდაცვის სფეროში ლიტვა-საქართველოს ორმხრივ თანამშრომლობის საკითხები განიხილეს.
ხაზი გაესვა ქ. ვილნიუსში ნატო-ს გაფართოების 10 წლისთავისადმი მიძღვნილი საერთაშორისო კონფერენციის ჩატარებას. შეხვედრაზე ასევე ისაუბრეს უკრაინაში განვითარებულ მოვლენებზე.
ხათუნა სალუქვაძემ, საქართველოს სახელით, მადლობა გადაუხადა ლიტვის ეროვნული თავდაცვის მინისტრს საქართველოს ევრო-ატლანტიკური ინტეგრაციის პროცესში აღმოჩენილი მხარდაჭერისათვის. ამასთან, ელჩმა აღნიშნა ქართველი სამხედრო მოსამსახურეების მიერ ლიტვის შესაბამის სასწავლებლებში საგანმანათლებლო კურსების გავლის მნიშვნელობის შესახებ და განაცხადა, რომ მსგავსი სასწავლო კურსები ხელს უწყობს ხელს ქართველი ჯარისკაცების კვალიფიკაციის ამაღლებას.
იოზას ოლეკმა შევხედრისას კიდევ ერთხელ დაადასტურა მტკიცე მხარდაჭერა საქართველოს ევრო-ატლანტიკური ინტეგრაციის პროცესის მიმართ და აღნიშნა, რომ ლიტვა ყველანაირად დაეხმარება საქართველოს დასახული მიზნის მიღწევაში.
13.03.14
