საქართველოს ვიზიტით ეწვია აშშ-ის კონგრესის წარმომადგენელთა პალატის დელეგაცია დაზვერვის საკითხებში მუდმივმოქმედი კომიტეტის თავმჯდომარის, კონგრესმენ მაიკ როჯერსის ხელმძღვანელობით.
ვიზიტის ფარგლებში, 21 მარტს, საქართველოს საგარეო საქმეთა სამინისტროში გაიმართა დელეგაციის შეხვედრა საგარეო საქმეთა მინისტრთან, მაია ფანჯიკიძესთან. დელეგაციის შემადგენლობაში ასევე იყვნენ ამავე კომიტეტის აპარატის წევრები.
კონგრესმენმა როჯერსმა კიდევ ერთხელ ხაზი გაუსვა აშშ-ის ურყევ მხარდაჭერას საქართველოს სუვერენიტეტის და ტერიტორიული მთლიანობის, ასევე, ქვეყნის ევროპული და ევროატლანტიკური მისწრაფებების მიმართ.
შეხვედრაზე მხარეებმა განიხილეს ორ ქვეყანას შორის სტრატეგიული პარტნიორობის გაღრმავების შემდგომი პერსპექტივები. ასევე, აშშ-საქართველოს შორის არსებული მიმდინარე საკითხების ფართო სპექტრი. საუბარი აგრეთვე შეეხო რეგიონალური უსაფრთხოების საკითხებს, მათ შორის უკრაინაში მიმდინარე მოვლენებს.
22.03.14
Discussion about this post