სურსათის ეროვნული სააგენტოს თბილისის სამმართველოს წარმომადგენლებმა ვახუშტის ხიდის მიმდებარე ტერიტორიაზე შპს “ქართული პროდუქტის” ხორცის საბითუმო ბაზრიდან 421 კგ საეჭვო წარმომავლობის ხორცი ამოიღეს.
5 ტან-ხორცის არც ერთ ნაჭერს არ ჰქონდა დამღა და არ ჩატარებია დაკვლის წინა და დაკვლის შემდგომი ვეტერინარულ-სანიტარიული ექსპერტიზა.
შესაბამისად, რეალიზატორმა ვერ წარმოადგინა ვეტერინარული მოწმობა ფორმა N2, რის გამოც, სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის 65-ე მუხლის I ნაწილის თანახმად, შპს “ქართული პროდუქტი” დაჯარიმდა 1000 ლარით.
სააგენტოს ცნობით, 421 კგ ხორცი დაილუქა და კანონმდებლობის შესაბამისად განადგურდება.
24.03.14
Discussion about this post