დღეს სპორტულ კომპლექს “არენაში” ცეკვის მე-5 საერთაშორისო ოლიმპიადა – საქართველოს ღია ჩემპიონატი გაიმართება ჩერლიდინგში (მხარდამჭერთა გუნდების შეჯიბრი).
ჩემპიონატი, რომლის ორგანიზატორია საქართველოს ჩერლიდინგის ფედერაცია, 3 სხვადასხვა ასაკობრივ ჯგუფში (ბავშვები, იუნიორები, დიდები) ჩატარდება.
ცეკვის დისციპლინებია – ბეიბი შოუ (ბავშვები 6 წლამდე), დენს-შოუ, სთრით დენს -შოუ, ჰიპ-ჰოპი, დისკო, სახასიათო ცეკვა, ლათინური შოუ, ორიენტალ-ბელი დენს, ლიფ-სინგ (პანტომიმა), ბრეიქ-დანსი, მოდერნი.
საქართველოს ჩემპიონატზე პირველი განყოფილება სტარტს 12:00 საათიდან აიღებს, მეორე განყოფილება და გადამწყვეტი ეტაპი 18:00 საათიდან დაიწყება. ჩემპიონატის მსაჯები არიან – თეა გობეჯიშვილი და გიორგი ბარბაქაძე.
29.03.14