საქართველოს სლოვაკეთის ვიცე-პრემიერი ეწვევა

2014 წლის 7-8 აპრილს საქართველოს სლოვაკეთის რესპუბლიკის ვიცე პრემიერ-მინისტრი, საგარეო და ევროპულ საქმეთა მინისტრი მიროსლავ ლაიჩაკი ეწვევა.

ოფიციალური ვიზიტის ფარგლებში მიროსლავ ლაიჩაკი შეხვდრებს გამართავს საქართველოს პრეზიდენტთან გიორგი მარგველაშვილთან, პრემიერ-მინისტრთან ირაკლი ღარიბაშვილთან და საგარეო საქმეთა მინისტრთან მაია ფანჯიკიძესთან. შეხვედრებზე განხილული იქნება როგორც საქართველოსა და სლოვაკეთს შორის ორმხრივი ურთიერთობების, ასევე ორი ქვეყნის საერთო ინტერესების სფეროში შემავალი სხვა საკითხები.

საგარეო საქმეთა სამინისტროში, მინისტრების შეხვედრის შემდეგ გაიმართება ერთობრივი პრესკონფერენცია.

ვიზიტის ფარგლებში, სლოვაკეთისა და საქართველოს საგარეო საქმეთა მინისტრები საზეიმოდ გახსნიან სლოვაკეთის საელჩოს თბილისში, რაც კიდევ ერთი წინგადადგმული ნაბიჯია ორ ქვეყანას შორის  ურთიერთობისა და თანამშრომლობის   გაღრმავების კუთხით.

07.04.14