საყდრისის დამცველებს ბოლნისს უჯანყებენ?

ბოლნისის რაიონში, საყდრისის გადარჩენისთვის კარვების აქციაზე ახალ პანიკას თესავენ – ამის შესახებ „თბილისის თაიმს“ სანდო წყარომ აცნობა. წყაროს ინფორმაციით, რაიონში მცხოვრებ მოსახლეობაში გავრცელდა ინფორმაციო, რომ მათ თითქოს შესაძლოა პრობლემები შეეხოთ დაუბეგრავ მინიმუმთან დაკავშირებულ პროგრამაში მონაწილეობის მიღებაზე. ასევე წყაროს ინფორმაციით,  ადგილობრივ მოსახლეობაში ვრცელდება ინფორმაცია, რომ  შესაძლებელია კარვების აქციის გამო, კომპანიამ საბადოზე სამუშაოები  შეაჩეროს და იქ დასაქმებულებს სახელფასო ანაზღაურება შეუწყდეთ. „რაიონში მუშაობენ ფარულად უცნობი ადამიანები და ავრცელებელ მსგავს არასწორ და ნეგატიურ ინფორმაციებს, რაც მიზანმიმართულია იმისკენ, რომ იქ მცხოვრებ მოსახლეობაში მოხდეს წინააღმდეგობრივი მუხტის აგორება“ – აცხადებს სანდო წყარო. შეგახსენებთ, რომ საყდრისის გადასარჩენად საბადოსთან  კარვების აქცია ორშაბათიდან მიმდინარეობს. აქციის მონაწილეები აღდგომის ბრწყივალე დღესასწაულსაც კაზრეთში, კარვებში შეხვდრბიან. 14.04.14