მთავარი პროკურორის გიორგი ბადაშვილის განცხადებით, პრემიერ-მინისტრ ირაკლი ღარიბაშვილის გადაწყვეტილება წინასაარჩევნო მორატორიუმის გამოცხადებასთან დაკავშირებით, პროკურატურის მხრიდან აუცილებლად შესრულდება. ამის შესახებ ბადაშვილმა დღეს ჟურნალისტებს განუცხადა.
“პრემიერ-მინისტრის გადაწყვეტილება, რომელც ეხება მოახლოებული არჩევნების სამართლიან და თანასწორუფლებიან გარემოში ჩატარებას, აუცილებლად უპირებოდ შესრულდება პროკურატურის მხრიდან, ასევე საქართველოს პროკურატურის ზედამხედველობის ქვეშ მყოფი საგამოძიებო და სხვა სამართალდამცავი ორგანოების მხრიდან”, – განაცხადა ბადაშვილმა.
საქართველოს პრემიერ-მინისტრმა ადგილობრივი თვითმმართველობის არჩევნებთან დაკავშირებით საარჩევნო კამპანიაში ჩართულ პირთა მიმართ სამართლებრივი პროცედურების განხორციელებაზე მორატორიუმი 14 აპრილს გამოაცხადა.
19.04.14
Discussion about this post