საყდრისში დღეს კულტურის მინისტრის გურამ ოდიშარიას ჩასვლა ჯერ გადაწყვეტილი არ არის. კულტურის სამინისტროს ცნობით, საყდრისში გუშინ კულტურის სამინისტროდან მონიტორინგის ჯგუფები იყო გაგზავნილი.
დღეს კულტურის სამინისტროში ამ ჯგუფების მიერ მოპოვებული ინფორმაცია დახურულ სამუშაო თათბირებზე განიხილება, რის შემდეგაც გურამ ოდიშარია საყდრისში ჩასვლის გადაწყვეტილებას მიიღებს.
საყდრისი-ყაჩაღიანის ისტორიული ოქროს საბადოს გადასარჩენად “საყდრისის გადარჩენის საზოგადოებრივი კომიტეტის” წევრები აქციებს 14 აპრილიდან მართავენ. საბადოს მოპირდაპირე მთაზე მათ კარვები გაშალეს. აქციების მიმდინარეობისას, კომპანია RMG-ის დაცვის წარმომადგენლებსა და აქციის მონაწილეებს შორის რამდენჯერმე სიტყვიერი დაპირისპირებაც მოხდა. აქციის მონაწილეები აცხადებენ, რომ კომპანია სამუშაოებს დარღვევით აწარმოებს და სასამართლო პროცესის დასრულებამდე ამ სამუშაოების შეწყვეტას ითხოვენ.
ამასთან, 19 აპრილს არასამთავრობო ორგანიზაციებმა საყდრისში მიმდინარე სამუშაოები “საზოგადოებრივი მაუწყებელის” წინაც გააპროტესტეს, სადაც კულტურის მინისტრი გურამ ოდიშარია გადაცემაში უნდა მისულიყო. თუმცა, ოდიშარიამ ტელევიზიაში მისვლის გადაწყვეტილება შეცვალა.
22.04.14
Discussion about this post