“ქართული ოცნების” პოლიტსაბჭოს წევრები პრემიერ-მინისტრთან ერთად არჩევნებთან დაკავშირებულ საკითხს განიხილავენ

კოალიცია “ქართული ოცნების” პოლიტსაბჭოს წევრები პრემიერ-მინისტრს ხვდებიან. შეხვედრა მთავრობის ადმინისტრაციაში მიმდინარეობს.

როგორც ჟურნალისტებს საპარლამენტო უმრავლესობის ლიდერმა დავით საგანელიძემ განუცხადა, დღევანდელ შეხვედრაზე იმსჯელებენ ერთ-ერთ ყველაზე მნიშვნელოვან თემაზე – არჩევნებთან დაკავშირებულ საკითხზე.

“კოალიცია ძალიან მალე წარმოადგენს მერობის კანდიდატებს, გამგებლების კანდიდატებს, ამასთან დაკავშირებით კონსულტაციები საჭიროა მთავრობასთან”, – განუცხადა ჟურნალისტებს დავით საგანელიძემ შეხვედრის დაწყების წინ.

მისივე განცხადებით, კანდიდატების შერჩევის პრინციპი მდგომარეობს იმაში, რომ ყველგან, ყველა პოზიციაზე წარდგენილი იქნება ღირსეული ადამიანი.

22.04.14