საზოგადოებრივი მაუწყებლის სამეთვალყურეო საბჭო ორ პალატიანი იქნება. სამეურვეო საბჭოს შიდა კონტროლის უზრუნველსაყოფად მონიტორინგის საბჭოც შეიქმნება.
ცვლილებები ითვალისწინებს დღემდე მოქმედი სამეურვეო საბჭოს წევრებისთვის იმგვარი ფუნქციების მიცემას, რომელიც ერთი მხრივ, საზოგადოებრივ მაუწყებელს დაიცავს მათი მხრიდან მორიგი კანონსაწინააღმდეგო და დაუსაბუთებელი გადაწყვეტილებების მიღებისგან და მეორე მხრივ, უზრუნველყოფს ახალი სამეურვეო საბჭოსა და გენერალური დირექტორის საქმიანობაზე ეფექტურ შიდა მონიტორინგს და საზოგადოების დროულ ინფორმირებას ფინასნურ, საკადრო და სხვა პრობლემებზე.
კანონპროექტი, რომელიც აღნიშნულ ცვლილებებს ითვალისწინებს, გია ჟორჯოლიანმა, ნუკრი ქანთარიამ, ირაკლი ჩიქოვანმა და ზვიად კვაჭანტირაძემ მოამზადეს.
ამასთან, საპარლამენტო უმრავლესობის წევრის, ელისო ჩაფიძის განმარტებით, მონიტორინგის საბჭოს მნიშვნელოვანი ფუქნციები დაეკისრება და მთლიანდ საზოგადოებრივ მაუწყებელს გაუწევს მონიტორინგს.
“სამეთევალყურეო საბჭო ხდება ორ პალატიანი. მნიშვნელოვანია, რომ მონიტორინგის საბჭოს საკამოდ სერიოზული უფლებები აქვს მინჭებული. მას შეუძლია ბიუჯეტთან დაკავშირებით ნებსმიერი ინფორმაცია გამოითხოვოს, ასევე აქვს უფლება დააყენოს გენერალური დირექტორის პასუხისმგებლობის საკითხიც. მონიტორინგის საბჭოს წევრთა ანაზღაურება იქნება სამეურვეო საბჭოს წევრის ანაზღაურების 80 %. საკამოდ ბევრი რეგულაცია დევს ამ კანონპროექტში, თუმცა მე პირადად არ მინდა ამ გადაწყვეტილებას დავეთანხმო”,-აცხადებს ჟურნალისტებთან ელისო ჩაფიძე.
გია ჟორჯოლიანის, ნუკრი ქანთარიას, ირაკლი ჩიქოვანისა და ზვიად კვაჭანტირაძის ავტორობით მოზმადებულ კანონპროექტს დღეს პარლამენტში განათლების კომიტეტზე განიხილავენ.
საკონსტიტუციო სასამართლომ “საზოგადოებრივი მაუწყებლის” სამეურვეო საბჭოს წარმომადგენლებს, რომელთაც “მაუწყებლობის შესახებ” კანონში განხორციელებული ცვლილებების საფუძველზე უფლებამოსილება უწყდებოდათ, წევრობის უფლებამოსილება შეუნარჩუნა. საკონსტიტუციო სასამართლომ ემზარ გოგუაძის, გიორგი მელაძის, მამუკა ფაჩუაშვილის, ზურაბ დავითაშვილის, დავით კანდელაკის, ნატალია დვალის საკონსტიტუციო სარჩელი დააკმაყოფილა და არაკონსტიტუციურად ცნო კანონის ის დებულება, რომლის მიხედვით, ახალი საბჭოს არჩევისთანავე მოქმედ წევრებს უფლებამოსილება უწყდებათ.
ამასთან, პარლამენტში ახალი სამეურვეო საბჭოს დაკომპლექტების პროცესი გძელდება. პარლამენტს ამ დროისთვის არჩეული ჰყავს სამეურვეო საბჭოს შვიდი წევრი.
ვაკანტურად რჩევა ორი ადგილი, რადგან უმრავლესობამ უმცირესობის მიერ წარდგენილი კანდიდატები “ჩააგდო”.
29.04.14