ყველაზე მასშტაბური საქველმოქმედო ღონისძიება მსოფლიო სპორტის ისტორიაში კახეთში გაიმართა

Marielle Carmagnolle და Anatoli Oleinikovi  ეს  გახლავთ ის ადამიანები, რომლებიც საქართველოშო „მსოფლიო რბენის“ გამარჯვებულები გახდნენ.  კაცებს შორის პირველობა არავის დაუთმო   51 წლის  ლაგოდეხელმა ანატოლიმ, რომელმაც  52,65 კმ ირბინა.

მან თავის გამარჯვება მამას, რომელიც სულ რამდენიმე თვის წინ გარდაიცვალა.  რაც შეეხება ქალბატონებს,  მარიელმა ასპარეზობა  25,34 კმ. გარბენით დაასრულა. ის  საფრანგეთიდან არის და  3 წელია რაც ქმართან ერთად საქართველოში ცხოვრობს.

გამარჯვებულები მონაწილეობას მიიღებენ 2015 წლის რბენაში მსოფლიოს ნებისმიერ წერტილში, რომელსაც თვითონ აირჩევენ. თუმცა მათ ამჟამად გადაწყვეტილი არ აქვთ რომელ ქვეყანაში წავლენ მონაწილეობის მისაღებად.

ყველაზე მასშტაბური საქველმოქმედო ღონისძიება მსოფლიო სპორტის ისტორიაში  კახეთში, ლოპოტის გადასახვევიდან კავკასიონის ქედის გაყოლებით გაიმართა. მსოფლიო რბენაში მონაწილეობის მისაღებად საქართველოში  3 000-ზე მეტი ადამიანი დარეგისტრირდა.  აქედან 300-ზე მეტი უცხოელი 26 სხვადასხვა ქვეყნიდან.

Wings for Life World Run-ის უნიკალურობა იმაში მდგომარეობდა, რომ არ იყო განსაზღვრული ტრასის მანძილი და დრო. ტრადიციული ფინიშის ხაზის ნაცვლად იყო სპეციალური „ფინიშ მანქანა“, რომელმაც სტარტიდან 30 წუთში დაიწყო სვლა და  წინასწარ დადგენილი სიჩქარით (15 კმ/ს – 20 კმ/ს – 25 კმ/ს) მოძრაობდა. როგორც კი ფინიშ მანქანა გადაუსწრებდა მორბენალს, ის ავტომატურად ეთიშებოდა  შეჯიბრს.

რაც შეეხება მსოფლიო გამარჯვებულებს, მამაკაცებს შორის ეს გახლავთ ავსტრიელი

Lemawork Ketama (ETH) – 78.57კმ. და ქალებს შორის ნორვეგიელი Elise Molvik (NOR) –  54.79 კილომეტრით.

ღონისძიებიდან შემოსული თანხა სრულად გადაერიცხება Wings for Life-ის ფონდს, რომელიც ახორციელებს სამედიცინო და კლინიკურ კვლევებს ზურგის ტვინის დაზიანების სამკურნალოდ.

ასეთი წამოწყებები ნამდვილად დასაფასებელია და იმედია დიდ წვლილს შეიტანს ზურგის ტვინის დაზიანების განკურნებაში.

05.05.14