ჯანდაცვის სამინისტროს მიერ შიდა მონიტორინგი განხორციელდა სხვადსხვა სააღმზრდელო დაწესებულებებში მათ შორის საქართველოს საპატრიარქოს დაქვემდებარებაში მყოფ სააღმზრდელო დაწესებულებებში.
მონიტორინგის მიზანსა და შედეგებზე ”თბილისი თაიმსს” შრომის, ჯანმრთელობისა და სოციალური დაცვის სამინისტროს სოციალური დეპარტამენტის ხელმძღვანელი გია კაკაჩია ესაუბრა.
რა იყო სააღმზრდელო სახლების და მათ შორის საპატრიარქოს ბავშვთა სახლების მონიტორინგის მიზანი? დათვალიერების შედეგად რა დასკვნა დადეს მონიტორინგის ჯგუფის წევრებმა?
2013 წლამდე სახელმწიფო ზრუნვის სისტემაში მყოფი ბავშვების მდგომარეობის შეფასება ხორციელდებოდა მხოლოდ მეურვეობისა და მზრუნველობის ორგანოს უფლებამოსილი პირის – სოციალური მუშაკის მიერ. შესაბამისად, სისტემაში შემავალი სხვადასხვა ალტერნატიული მომსახურებების სისტემური შეფასების მიზნით გაჩნდა მონიტორინგის სამსახურის შექმნის აუცილებლობა, რაც განხორციელდა 2014 წელს, როდესაც საქართველოს შრომის, ჯანმრთელობისა და სოციალური დაცვის სამინისტროს სოციალური დაცვის დეპარტამენტს დაემატა სტრუქტურული ქვედანაყოფი – პროგრამების მონიტორინგის სამმართველო. აღნიშნულის გათვალისწინებით, არ უნდა გამახვილდეს ყურადღება მხოლოდ საქართველოს საპატრიარქოს დაქვემდებარებულ სააღმზრდელო დაწესებულებებზე, რადგან აღნიშნული პროცესი, ბავშვზე ზრუნვის მომსახურებათა სისტემური მონიტორინგის ერთ-ერთი შემადგენელი ნაწილია. მონიტორინგის ჯგუფის მიერ მონიტორინგი განხორციელდა სხვადსხვა სააღმზრდელო დაწესებულებებში მათ შორის საქართველოს საპატრიარქოს დაქვემდებარებაში მყოფ სააღმზრდელო დაწესებულებებში: ,,ბათუმის წმინდა მატათას სახელობის სკოლა-პანსიონი“, ,,ნინოწმინდის წმიდა ნინოს ობოლ, უპატრონო და მზრუნველობამოკლებულ ბავშვთა პანსიონატი“ და ,,ბედიანისმოზარდთასარეაბილიტაციო ცენტრი“. ჩვენს მიერ განხორციელებული მონიტორინგის შედეგები ასახულია ანგარიშებში, რომელთაგან პირველი ორი დაწესებულების ანგარიში შეგიძლიათ იხილოთ სამინისტროს საიტზე. მესამე გამოქვეყნდება უახლოეს მომოვალში.
თქვენი მონაცემებით რამდენი თავშესაფარი აქვს საპატრიარქოს და რამდენი ბენეფიციარისგან შედგება თითოეული მათგანი?
ასეთი ტიპის მომსახურება არის სამი, სადაც დღეის მდგომარეობით ცხოვრობს 343 (ბათუმი 169, ნინოწმინდა 165, ბედიანი 9) აღსაზრდელი.
რა კარტეგორიის ბავშვები ხვდებიან ამ თავშესაფარში და რა სახის დამარებას უწევენ მათ?
მონიტორინგის შედეგად გამოვლინდა, რომ მომსახურებათა აღსაზრდელების ასაკობრივი კატეგორია განსაზღვეულია 0-დან 18-წლამდე ასაკის ბავშვებით, თუმცა 0-დან 6 წალამდე ასაკის მხოლოდ 7 აღსაზრდელი ცხოვრობს მითითებულ დაწესებულებებში. შეიძლება ცალსახად ითქვას, რომ მომსახურებებში დაკმაყოფილებულია აღსაზრდელთა ყველა საბაზისო მოთხოვნილება (კვება, სამოსი, ჯანმრთელობა, განათლებაჰიგიენა). ასევე უზრუნველყოფილია არაფორმალური/პროფესიული/უმაღლესი განათლების ხელშეწყობა(ბავშვების ინეტერესებისა და შესაძლებლობების გათვალისწინებით).
როგორც ცნობილია მზადდება კანონ-პროექტი, რომელიც საშუალებას მისცემს ამ დაწესებულებას ფორმალურ სექტორში იფუნქციონიროს, ამ პროცედურის შემდეგ რა მოვალეობა დაეკისრება დაწესებულებას, ხომ არ გაიზრდება ან პირიქით შემცირდება მისი კომპეტენციის ზღვრები?
განხორციელებული მონიტორინგის შედეგად გაწეული რეკომენდაციების საფუძველზე მომსახურებები უზრუნველყოფს შესაბამისი ღონისძიებების გატარებას რეკომენდაციების აღსრულების მიმართულებით. რეკომენდაციები ძირითადად ეხება ,,ბავშვზე ზრუნვის სტნდარტებით“ განსაზღვრული მოთხოვნებისა და ვალდებულებების შესრულებას. აღნიშნულის შემდეგ კი მომსახურებებს საშუალება ექნებათ კანონით დადგენილი წესით მოიპოვონ სააღმზრდელო საქმიანობის ლიცენზია, რის შემდგომ მათზე გავრცელდება მოქმედი კანონმდებლობით განსაზღვრული ყველა რეგულაცია.
თუ იგეგმება სახელმწიფოს მხრიდან აღნიშნული თავშესაფრებისთვის დახმარების გაწევა ან სხვადასხვა დახმარებითი ღონისძიებების განხორციელება?
მოცემული დაწესებულებების აღსაზრდელები, სხვა სააღმზრდელო დაწესებულებათა აღსაზრდელების მსგავსად ისარგებლებენ სახელმწიფო პროგრამით გათვალისწინებული ღონისძიებებით.
08.05.14
ნინა პირტახია