ეთნოგრაფიულ მუზეუმში ევროპის დღის აღსანიშნავად, საქართველოში მიმდინარე ევროპის კვირეულის ფარგლებში ევროდელეგაციის ორგანიზებით სხვადასხვა ღონისძიება გაიმართა.
დღის განმავლობაში ეთნოგრაფიულ მუზეუმში ღია ცის ქვეშ წარმოდგენილი იყო გამოფენა, ევროკავშირის კუთხე, მოეწყო საქართველოში წარმოებული პროდუქციის დეგუსტაცია. ღონისძიების ოფიციალური გახსნის ცერემონიაზე მისასალმებელი სიტყვით გამოვიდნენ საქართველოში ევროკავშირის წარმომადგენლობის ხელმძღვანელი, ელჩი ფილიპ დიმიტროვი და ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრი ალექსი პეტრიაშვილი. დღის ბოლოს კი ღონისძიება კონცერტით დასრულდა.
„დღეს ნამდვილად, ძალიან საინტერესო და სახალისო დღეა, ევროპული სოფელი გაიხსნა ეთნოგრაფიულ მუზზეუმში. ეს არის კიდევ ერთი კარგი, ლამაზი მაგალითი იმისა, რომ ევროპა საქართველოშია, საქართველო ევროპაშია და ევროკავშირის წევრ ქვეყნებს აქვთ შესაძლებლობა წარმოადგინონ თავისი კუთხის ისტორია, თავისი კუთხის დამახასიათებელი პროდუქცია,- ღვინო, საკვები, ტანსაცმელი და ა. შ. ეს არის ძალიან ლამაზად წარმოდგენილი მთელი რიგი ქვეყნების მიერ და ჩვენ ძალიან მოხარული ვართ, რომ ევროპის დღეების ფარგლებში დიპლომატიური კორპუსის ძალიან აქტიური, უშუალო თანამონაწილეობითა და თანამშრომლობით ჩვენთან იმართება დღევენდელი დღე. “- განაცხადა ალექსი პეტრიაშვილმა ეთნოგრაფიულ მუზეუმში წარმოდგენილი გამოფენის დათვალიერების შემდეგ.
12.05.14
ლანა წურწუმია
Discussion about this post