გიორგი მარგველაშვილი დღეს საფრანგეთის პრეზიდენტს უმასპინძლებს

საქართველოს პრეზიდენტი, გიორგი მარგველაშვილი დღეს ფრანგ კოლეგას უმასპინძლებს.

როგორც “თბილისი თაიმს” პრეზიდენტის ადმინისტრაციიდან აცნობეს, პრეზიდენტის სასახლეში ფრანსუა ოლანდის დახვედრის ოფიციალური ცერემონია გაიმართება, რის შემდეგაც ორი ქვეყნის ლიდერები ერთმანეთს პირისპირ და გაფართოებული შემადგენლობით შეხვდებიან. ვიზიტის შედეგებს გიორგი მარგველაშვილი და ფრანსუა ოლანდი ერთობლივ პრესკონფერენციაზე შეაჯამებენ. ვიზიტის ფარგლებში, საფრანგეთის პრეზიდენტი ასევე შეხვდება პრემიერ-მინისტრ, ირაკლი ღარიბაშვილს და ეკონომიკურ ფორუმსაც დაესწრება.

ფრანსუა ოლანდი საქართველოს ერთდღიანი ვიზიტით კავკასიური ტურნეს ფარგლებში ეწვევა. ბაქოსა და ერევანში შეხვედრები მან უკვე გამართა.

13.05.14