საქართველოს ეროვნული საინვესტიციო სააგენტოს ინფორმაციით, 23 აპრილს სასტუმრო “რედისონში” საქართველო-ჩინეთის ბიზნესფორუმი გაიმართება.
მაათივე ცნობით, ღონისძიებას 40-მდე ჩინური კომპანიის წარმომადგენელი დაესწრება.
“ისინი გაეცნობიან საქართველოში არსებულ საინვესტიციო გარემოსა და ბიზნესის წარმოების შესაძლებლობებს. ფორუმში მონაწილეობას ასევე მიიღებენ საქართველოს სავაჭრო სამრეწველო პალატა და ჩინეთის საერთაშორისო ვაჭრობის ხელშეწყობის საბჭო”, – აცხადებენ სააგენტოში.
ფორუმის ორგანიზატორები არიან ჩინეთის საელჩო საქართველოში, საქართველოს ეროვნული საინვესტიციო სააგენტო და საპარტნიორო ფონდი.
ჩინეთის ბიზნესდელეგაციის წევრები წარმოდგენილნი არიან ისეთი სექტორებიდან როგორიცაა წარმოება, ენერგეტიკა, უძრავი ქონება, სოფლის მეურნეობა და ა.შ.
ღონისძიების ფორმატი ასევე ითვალისწინებს ორმხრივ შეხვედრებს ქართული და ჩინური ბიზნესის წარმომადგენლებს შორის, რაც ხელს შეუწყობს ორ ქვეყანას შორის ეკონომიკური ურთიერთობების გაღრმავებასა და გამოცდილების გაზიარებას.
16.04.13
Discussion about this post