გიორგი მარგველაშვილი: “ქვეყანა ემყარება წესებს და წესი უნდა დაიცვას ყველამ”

საქართველოს პრეზიდენტის, გიორგი მარგველაშვილის განცხადებით, თუ საკითხი წარმოადგენს საიდუმლოს, მაშინ ამის თაობაზე მასმედიასთან არ უნდა ვისაუბროთ, წინააღმდეგ შემთხვევაში კი თუ საიდუმლოს არ წარმოადგენს, გრიფი “საიდუმლოს” დადება არ უნდა ხდებოდეს, – ამის შესახებ პრეზიდენტმა ჟურნალისტებს პროკურატურასა და პრეზიდენტის ადმინისტრაციას შორის გრიფი “საიდუმლო” მიმოწერის საკითხზე კომენტირებისას განუცხადა.

“ამ ეტაპზე, მე მგონი, დრო არის უკვე შეჯამება გავაკეთოთ. მორალი ამ ამბისა არის შემდეგი: თუ არ წარმოადგენს საკითხი საიდუმლოს, გრიფი “საიდუმლო” არ უნდა დაედოს. თუ წარმოადგენს საიდუმლოს, მაშინ ამის თაობაზე მასმედიასთან არ უნდა ვისუბროთ. ეს არის წესები, , ამას ჰქვია კანონის უზენაესობა”, – განაცხადა გიორგი მარგველაშვილმა და დასძინა, რომ წესის დაცვა ყველას ევალება.

10.07.14