ირაკლი ღარიბაშვილი თურქეთის პრეზიდენტის ინაუგურაციას დაესწრება

საქართველოს პრემიერ-მინისტრი ირაკლი ღარიბაშვილი 28 აგვისტოს თურქეთის პრეზიდენტის ინაუგურაციას დაესწრება.

პრემიერის პრესცენტრის ცნობით, ირაკლი ღარიბაშვილი ანკარაში ახლადარჩეული პრეზიდენტის, თურქეთის ყოფილი პრემიერ-მინისტრის რეჯეფ ტაიპ ერდოღანის პირადი მიწვევით მიემგზავრება.

ინაუგურაციის ცერემონია ქალაქ ანკარაში გაიმართება და მას სხვადასხვა ქვეყნის მეთაურები დაესწრებიან.

ინაუგურაციის ცერემონიის გარდა, დაგეგმილია საქართველოს პრემიერ-მინისტრისა და რეჯეფ ტაიპ ერდოღანის პირისპირ შეხვედრა.

20.08.14