გერმანელმა ავტომრბოლელმა, მიხაელ შუმახერმა შვეიცარიის ქალაქ ლოზანას საავადმყოფო დატოვა და მკურნალობას სახლში გააგრძელებს. ინფორმაციას ამის შესახებ “ბიბისი” ავრცელებს.
მიხაელ შუმახერის მენეჯერის განცხადებით, გერმანელ მრბოლელს კვლავაც ხანგრძლივი მკურნალობა სჭირდება.
მსოფლიოს შვიდგზის ჩემპიონმა თავის ტრავმა გასული წლის დეკემბერში, საფრანგეთის ალპებში თხილამურებზე სრიალისას მიიღო. რამდენიმე თვის განმავლობაში მიხაელ შუმახერი კომაში იმყოფებოდა.
მიმდინარე წლის ივნისში შუმახერის ოჯახმა გაავრცელა ინფორმაცია, რომ ლეგენდარული ავტომრბოლელი კომადან გამოვიდა და მკურნალობას შვეიცარიის კლინიკაში გააგრძელებდა.
09.09.14
Discussion about this post