მოჭიდავეებმა, პრეზიდიუმის სხდომაზე ლუკა კურტანიძის გადადგომის საკითხი დააყენეს

მოჭიდავეებმა, პრეზიდიუმის სხდომაზე, ჭიდაობის ფედერაციის პრეზიდენტის, ლუკა კურტანიძის გადადგომის საკითხი დააყენეს.

როგორც სპორტისა და ახალგაზრდობის საქმეთა სამინისტროსთან მოჭიდავე დავით მოძმანაშვილმა ჟურნალისტებს განუცხადა, მათ პრეზიდიუმს პრობლემების შესახებ მოახსენეს, რის შემდეგაც გადაწყდება, მოხსნიან თუ დატოვებენ ფედერაციის პრეზიდენტს ლუკა კურტანიძეს.

“ჩვენ ვილაპარაკეთ სიმართლე. ერთ კაცს არ უნდა საქართველოში, რომ ლუკა კურტანიძე იყოს ჩვენი ფედერაციის პრეზიდენტი. ვფიქრობთ, მალე დატოვებს იგი თანამდებობას, მწვრთნელების საკითხი უკვე არავის აინტერესებს. იმ დონეზეა ხალხი მისული, მისი წასვლა გვინდა, მეტი არაფერი. თუ არ დაკმაყოფილდება ეს მოთხოვნა, ლუკა კურტანიძეს ყოველდღე მოუწევს კვერცხების ატანა თავის სტრუქტურაში”, – აღნიშნა დავით მოძმანაშვილმა.

საქართველოს სპორტისა და ახალგაზრდობის საქმეთა სამინისტროში ამ წუთებში პრეზიდიუმის სხდომა მიმდინარეობს, რომელსაც ჭიდაობის ფედერაციის პრეზიდენტი ლუკა კურტანიძე ესწრება.

ლუკა კურტანიძეს შენობაში შესვლამდე სპორტსმენებმა კვერცხები დაუშინეს, შენობის გარე პერიმეტრზე რჩებიან მოჭიდავეები, რომლებიც კურტანიძის გადადგომას მოითხოვენ. ადგილზე იმყოფებიან სამართალდამცავებიც.

22.09.14