“ესტაკადა პუშკინის ქუჩაზე აუცილებლად გაკეთდება”

 „რაოდენ წინააღმდეგებიც არ უნდა იყვნენ სხვადასხვა პოლიტიკური ოპონენტები, ესტაკადა პუშკინის ქუჩაზე აუცილებლად გაკეთდება, რადგან ის სჭირდება ამ უბანში არსებული მოძრაობის განმუხტვას. ის შემხებლობაში არ იქნება იმ კულტურულ მემკვიდრეობასთან, რომელიც იქ არის განთავსებული, თუმცა, ჩვენდა სამწუხაროდ, მას კულტურული მემკვიდრეობის სტატუსი უკვე დაკარგული აქვს, რადგან ჩვენმა წინამორბედებმა მას ბეტონი დაასხეს თავზე. აუცილებლად გამოცხადდება კონკურსი და ამის საფუძველზე შეირჩევა პროექტი და ის იქნება ძალიან კომფორტული. ამ პროექტის განხორციელებას წინ არაფერი უდგას“, – განაცხადა ნარმანიამ.

პუშკინის ქუჩაზე ამ ეტაპზე ავტომობილების მოძრაობა მხოლოდ ცალმხრივად არის დაშვებული და ესტაკადის გაშენების შემდეგ, მოძრაობა ორმხრივი გახდება.