აღდგომის ბრწყინვალე დღესასწაულთან დაკავშირებით , 5 და 6 მაისს სასაფლაოების მიმართულებით მუნიციპალური ავტობუსები უფასოდ იმოძრავებენ

თბილისის მერიის გადაწყვეტილებით, 5-6 მაისს სასაფლაოების მიმართულებით მუნიციპალური ავტობუსები უფასოდ იმოძრავებენ.

დედაქალაქის მერიის ინფორმაციით, აღდგომის ბრწყინვალე დღესასწაულთან დაკავშირებით , 5 და 6 მაისს, 08:00-დან 19:00 საათამდე, სასაფლაოებზე გასვლის მსურველებს მუნიციპალური ავტობუსები უფასოდ მოემსახურებათ. კერძოდ, მუხათგვერდისა და ვაშლიჯვარის სასაფლაოების მიმართულებით ავტობუსები გავლენ მეტროსადგურ “დიდუბის” ზედა გამოსასვლელიდან; “სადგურის მოედნიდან” და “მარჯანიშვილიდან” – კუკიის სასაფლაოს მიმართულებით; “დელისიდან” – საბურთალოს სასაფლაოს მიმართულებით; “სარაჯიშვილიდან” – “თბილისის ზღვის” სასაფლაოს მიმართულებით და ჭიჭინაძის ქუჩადან – “ველის” სასაფლაოს მიმართულებით, შუამთის ქუჩიდან და მეტროსადგურ “ვარკეთილიდან” – ვარკეთილის სასაფლაოს მიმართულებით.

დედაქალაქის მერიის ცნობით, შაბათს, ღამის 12:00 საათიდან კვირას 03.00 საათამდე მეტროპოლიტენით გადაადგილებაც უფასო იქნება.

05.05.13