გამოცდების ეროვნული ცენტრის ინფორმაციით, ერთიანი ეროვნული გამოცდები 27 ივნისს, ქართული ენისა და ლიტერატურის გამოცდით დაიწყება.
როგორც ცენტრში აცხადებენ, ერთიანი ეროვნული გამოცდებისთვის 42 000-მდე აბიტურიენტი, 8 000-ზე მეტი გრანტის გაუმჯობესების მსურველი, 9 500-ზე მეტი მაგისტრანტი და 25 000 – ზე მეტი მასწავლებელი დარეგისტრირდა.
აბიტურიენტთა უმეტესობამ, 30 000-მდე აპლიკანტმა, უცხო ენად ინგლისური აირჩია, ხოლო არჩევითი საგნებიდან, ყველაზე მეტ 14 500-მდე აბიტურიენტს ისტორია აქვს მითითებული, 11 000-ზე მეტმა აბიტურიენტმა კი ჩასაბარებელ საგნად გეოგრაფია მიუთითა.
გამოცდების განრიგი მაისის ბოლოს, გამოცდების ეროვნული ცენტრის ვებ-გვერდზე (www.naec.ge) გამოქვეყნდება.
08.05.13
