რუსეთმა პოლონელი დიპლომატები ქვეყნიდან გააძევეს

რუსეთმა პოლონელი დიპლომატები ქვეყნიდან გააძევა. მოსკოვის ქმედება წარმაოდგენს პასუხს პოლონეთის მიერ შპიონაჟში მხილებული რუსი დიპლომატების გაძევებაზე.

„სამწუხაროდ პოლონეთის ხელისუფლებამ მართლაც გადადგა ასეთი არამეგობრული და უსაფუძვლო ნაბიჯი. ამასთან დაკავშირებით, რუსულმა მხარემ მიიღო ადეკვატური საპასუხო ზომები და რიგმა პოლონელმა დიპლომატებმა, მათ სტატუსთან შეუთავსებელი საქმიანობის გამო, უკვე დატოვეს ქვეყნის ტერიტორია “ – ნათქვამია რუსეთის საგარეო საქმეთა სამინისტროს განცხადებაში.

ოქტომბრის შუა რიცხვებში პოლონურმა სპეცსამსახურებმა დააკავეს პოლონეთის შეიარაღებული ძალების პოლკოვნიკი, რომელსაც რუსეთის სპეცსამსახურებთან თანამშრომლობაში ბრალი წაუყენეს. მანამდე ვარშავის სასამართლომ პატიმრობა მიუსაჯა იურისტს, რომელიც რუსეთის აგენტობაშია მხილებული.

პოლონეთის პრემიერმა ევა კოპაჩმა შპიონური სკანდალის გამო რუსი დიპლომატების გაძევების თაობაზე ოქტომბრის ბოლო რიცხვებში განაცხადა. კოვაჩმა რუსი დიპლომატების გაძევებას „სტანდარტული პრაქტიკა“ უწოდა.

გაძევებული დიპლომატების რაოდენობა არც პოლონეთს და არც რუსეთს დაუსახელებია.

პარალელურად რუსეთი მონაწილეობს კიდევ ერთ შპიონურ სკანდალსი. გასულ კვირას რუსეთმა გერმანიის საელჩოს თანამშრომელიც გააძევა. აქაც რუსეთის ნაბიჯი საპასუხო იყო. მანამდე ოფიციალურმა ბერლინმა ქვეყანა დაატოვებინა რუსეთის საკონსულოს თანამშრომელს, რომელიც თვეების განმავლობაში გერმანული სეპცსამსახურების თვალთვალის ქვეშ იმყოფებოდა.

17.11.14