ამერიკის შეერთებული შტატები გუანტანამოს ციხიდან, ტერორიზმში ეჭვმიტანილი სამი პატიმრის საქართველოში გადმოგზავნის შესახებ ავრცელებს ინფორმაციას.
“თავდაცვის სამინისტრომ გუანტანამოს ციხიდან სამი პატიმარი სალაჰ მუჰამედ სალიჰ ალ-დაბი, აბდელ გაჰიბ აჰმად ჰაკიმი და აბდულ კალედ ალ-ბაიდანი საქართველოს მთავრობას გადასცა.
პრეზიდენტის 2009 წლის 22 იანვრის განკარგულების თანახმად, სპეციალურმა კომისიამ განიხილა ამ სამი მამაკაცის საქმე. განხილვა სხვადასხვა ფაქტორს ემყარებოდა და ექვსი დეპარტამენტისა და შესაბამისი სააგენტოს თანხმობის საფუძველზე, გადაწყდა მათი გამოგზავნა.
ნორმატიული მოთხოვნების შესაბამისად, თავდაცვის მდივანმა აშშ-ს კონგრესი საქმის კურსში ჩააყენა და აცნობა, რომ პატიმრების გადმოცემა ნორმატიული სტანდარტის ფარგლებში მოხდა.
ამერიკის შეერთებული შტატები მადლობელია საქართველოს მთავრობის მზადყოფნისთვის, მხარში დაუდგეს აშშ-ს, გუანტანამოს ყურეში ციხის დახურვის პროცესთან დაკავშირებით.
შეერთებულმა შტატებმა საქართველოს მთავრობასთან ერთად იმუშავა იმისთვის, რომ ეს ტრანსფერი უსაფრთხოების დაცვისა და ადამიანისადმი სათანადოდ მოპყრობის პირობებში წარიმართოს.
დღესდღეობით გუანტანამოს ციხეში 143 პატიმარია”, – ნათქვამია პენტაგონის განცხადებაში.
21.11.14