„ევროკავშირი მხარს უჭერს საქართველოს ტერიტორიულ მთლიანობას,” – ასე გამოეხმაურა ევროკავშირის მონიტორინგის მისიის ხელმძღვანელი ტოივო კლაარი რუსეთსა და ოკუპირებულ აფხაზეთს შორის “მოკავშირეობისა და სტრატეგიული პარტნიორობის შესახებ” ე.წ. შეთანხმების გამოფორმებას.
“ევროკავშირი მხარს უჭერს საქართველოს ტერიტორიულ მთლიანობას. ეს შეთანხმება მნიშვნელოვნად არაფერს ცვლის. საქართველოს უნდა განაგრძოს კონსულტაციები პარტნიორებთან და ყველაფერი მოლაპარაკებების გზით უნდა გადაწყდეს“, – განაცხადა კლაარმა, რომლის კომენტარის ქართულ თარგმანს ტელეკომპანია „იმედი“ ავრცელებს.
შეგახსენებთ, რომ რუსეთის პრეზიდენტი ვლადიმერ პუტინი და ოკუპირებული აფხაზეთის დე ფაქტო პრეზიდენტი რაულ ხაჯიმბა დღეს სოჭში “მოკავშირეობისა და სტრატეგიული პარტნიორობის შესახებ” ე.წ. შეთანხმებას მოაწერენ ხელს.
24.11.14
Discussion about this post