რუსეთის შინაგან საქმეთა სამინისტრომ კანონიერი ქურდების აღწერა ჩაატარა

რუსებმა კანონიერი ქურდები დათვალეს, მათი უმრავლესობა საქართველოდანაა.

რუსეთის შინაგან საქმეთა სამინისტრომ კანონიერი ქურდების  არაფორმალური აღწერა ჩაატარა. ძალოვანებმა დაახლოებით 500 კრიმინალური ავტორიტეტი დათვალეს რუსეთში, СНГ ქვეყნებსა და უცხოეთში, იტყობინება “Известия”.

სისხლის სამართლის მმთავარი სამმართველოს ცნობით, თავისუფლებაშია 428 კანონიერი ქურდი, 73 იმყოფება რუსეთის ციხეებსა და  კოლონიებში, სამი “ავტორიტეტი” კი სხვა ქვეყნების ციხეებში.

მათი წარსულის მიუხედავად, ისინი აწარმოებენ ლეგალურ ბიზნესს: ისინი დაფუძნებული არიან იტალიაში, საფრანგეთში, საბერძნეთსა და არაბეთის გაერთიანებულ ემირატებში, სადაც საქმეებს კანონიერად მართავენ. ეთნიკური შემადგენლობა პრაქტიკულად არ შეცვლილა: მათი უმეტესობა, კვლავაც  ქართველები არიან.

ბოლო წლების განმავლობაში რუსეთის შინაგან საქმეთა სამინისტრომ უკვე გამოაქვეყნა ორი შიდასაუწყებო დირექტივა, რომელიც კანონიერ ქურდებთან ბრძოლას ეხება. ერთერთი ბოლო თარიღდება 2012 წლის 30 დეკემბრით.

ამის მიზეზი გახდა დაპირისპირება მაფიოზურ კლანებს შორის, რომლებსაც ხელმძღვანელობდნენ ტარიელ ონიანი (ტარო) და მოკლული ასლან უსოიანი (ძედ ჰასანი). მას შემდეგ, რაც ონიანი ციხეში აღმოჩნდა, დაჯგუფებებს შორის  დაიწყო  ძალაუფლების გადანაწილება. 2012 წელს, ორივე დაჯგუფებამ აქტიურად დაიწყო ქურდების კანონიერად კურთხევა: მხოლოდ 2012 წლის დეკემბერში არაბეთის გაერთიანებულ ემირატებში “კრიმინალური გენერლის” სტატუსი, ერთბაშად, 16 ადამიანმა მიიღო.

რუსეთის შინაგან საქმეთა სამინისტო არ შეეგუა საქმის ასეთ ვითარებას და დანაშაულთან ბრძოლა გაააქტიურა, რომლის შედეგადაც 2012 წელს დააკავა 18 კანონიერი ქურდი.

უმეტესობა დაკავებული იქნა ნარკოტიკების გამო, ორი მკვლელობის. საბოლოოდ, 11 ადამიანი დადანაშაულებული იქნა საიმიგრაციო კანონდარღვევაში და გაძევებულნი იქნენ რუსეთის ტერიტორიიდან.

2013 წელს, სამ თვეში რუსეთი შინაგან საქმეთა სამინისტრომ კრიმინალური ავტორიტეტების  სამი მსხვილი შეკრება აღკვეთა და 10 კანონიერი ქურდი დააკავა.

ექსპერტები საეჭვოდ მიიჩნევენ, ქურდებთან ბრძოლის რეგლამენტირებას ცალკეული დავალებებით და მითითებებით, ოპერატიულ სამსახურს უნდა შეეძლოთ ქურდებთან ბრძოლა ყოველგვარი დავალებების გარეშე, როგორც ეს სხვა ქვეყნებში ხდება-აცხადებს გენერალ-ლეიტენანტი ალექსანდრე გუროვი.

20.05.13